Конкурс сацыяльных праектаў па прафілактыцы правапарушэнняў і негатыўных тэндэнцый у маладзёжным асяроддзі прайшоў у горадзе Бабруйску.
Начальнік інспекцыі па справах непаўналетніх аддзела міліцыі Першамайскага раёна Бабруйска падпалкоўнік міліцыі Дзмітрый Аляксандравіч Цырынскі адзначыў, што інспекцыя сумесна з сектарам ідэалагічнай работы і па справах моладзі адміністрацыі раёна падвялі вынікі конкурсу «Выбар за табой», які прайшоў сярод навучэнцаў школ і каледжаў горада. Галоўнай задачай конкурсу было з’яднаць каманду аднадумцаў, прыдумаць сцэнарый, падабраць дзеючых асоб сярод аднагодкаў і ўвасобіць яго ў цікавы прадукт.
На конкурс паступіла больш за 30 дзіцячых работ, у якіх закрануты тэмы здаровага ладу жыцця, самарэалізацыі, захаванне нормаў Закона, любові да свайго горада і многае іншае.
Дыпломы пераможцаў атрымалі каманды школ № 32 і № 19, а таксама Бабруйскі дзяржаўны механіка-тэхналагічны каледж. Праекты навучэнцаў гэтых устаноў найлепшым чынам прадэманстравалі прыярытэтныя напрамкі выбару сучаснай моладзі.
Каштоўнасць сям’і раскрылі вучні з сярэдняй школы № 23. Сучасныя формы прафілактыкі супрацьпраўных паводзін непаўналетніх паказаў праект школы № 21. Любоў да прыроды адлюстравалі вучні 27-й школы. Работы занялі ганаровае другое месца.
Праекты школ № 11, № 16 і гімназіі № 2 занялі трэцяе месца і яшчэ раз пацвердзілі, што тэма прафілактыкі дэвіянтных паводзін сучаснай моладзі вельмі актуальная на сённяшні дзень.
Паводле слоў арганізатараў, конкурс сацыяльных праектаў па прафілактыцы правапарушэнняў і негатыўных тэндэнцый у маладзёжным асяроддзі толькі набірае абароты і ў наступным годзе ён абавязкова працягнецца. Прыняць удзел у ім зможа навучэнская і працоўная моладзь.
Па матэрыялах bobrlife.by
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:39
Абеды прама ў полі. Як арганізавана харчаванне для працаўнікоў жніва ў Горацкім раёне
15.07.2024 - 10:18
Этнасвята «У госці да радзімічаў» пройдзе 27 ліпеня ў Чавускім раёне
15.07.2024 - 09:41
12.07.2024 - 15:34
Сучасныя малочнатаварныя комплексы будуюцца ў Бабруйскім раёне
12.07.2024 - 09:45