У Магілёве медыцынскі каледж правёў конкурс прыгажосці анлайн

У Магілёўскім медыцынскім каледжы адбылася шоу-праграма «Міс каледж 2020». Пра гэта паведамілі ва ўстанове адукацыі.

Сямнаццаць прэтэндэнтак на званне самай чароўнай і прывабнай падалі заяўкі на ўдзел. Па выніках першага тура засталося 5 прэтэндэнтак. На жаль, да фіналу дайшлі 4.

Паводле слоў суразмоўцаў, навучэнкам прыйшлося прайсці сем выпрабаванняў: прэзентаваць сябе ў візітнай картцы, пакрэатывіць у конкурсе моды 22 стагоддзя, праявіць натхненне ў фотаконкурсе, паказаць выразнасць і стыль у завязванні гальштука, здзіўляць кулінарнымі вынаходствамі, дзівіць творчасцю і грацыяй у дэфіле.

Конкурс праходзіў без гледачоў у зале, у прысутнасці журы. Яго размясцілі ў папулярнай сацыяльнай сетцы. Гледачы ў анлайн-рэжыме балелі за дзяўчат, у каментарах падтрымліваючы ўдзельніц. Дзякуючы новым тэхналогіям цікавасць да таго, што адбываецца, праяўлялі жыхары іншых краін – сваякі і знаёмыя дзяўчат з Украіны, Расіі і іншых краін.

Тытул «Міс каледж 2020» заваявала Вікторыя Андрэева.