Каля 170 га раней меліяраваных зямель будуць адноўленыя і ўведзеныя ў севазварот у Бабруйскім раёне

Два ўчасткі раней меліяраваных зямель агульнай плошчай каля 170 га будуць адноўленыя ў Бабруйскім раёне. Іх плануецца ўвесці ў севазварот ужо ў сёлетні летні сезон.

Як паведамілі ў райвыканкаме, аднаўленчыя работы на землях ААТ «Агракамбінат “Бабруйскі”» і «Саўгас Кісялевічы» з мінулай восені вядуць меліяратары ААТ «ПМК-84 “Водбуд”». Яны выкарчавалі непатрэбную расліннасць, ачысцілі каналы меліярацыйнай сістэмы, ажыццявілі прамыванне дрэнажных сістэм і правялі ворныя працы. У цяперашні час работнікі ПМК займаюцца пракладкай новых дрэнажных сістэм.

Меліяраваныя землі плануецца адвесці пад кармавыя ўгоддзі, яны будуць засеяны шматгадовай травой.

mogilevnews.by