Кожная другая экспартная дэкларацыя афармляецца ў Магілёўскай мытні ў аўтаматычным рэжыме за 1 хвіліну

«У бягучым месяцы, дзякуючы ўдасканаленню праграмнага прадукта, доля аўтаматычнага выпуску тавараў, якія вывозяцца, дасягнула 60%, а сярэдні час іх аўтаматычнага афармлення не перавышае 1 хвіліну», – пра гэта паведамілі ў прэс-цэнтры Магілёўскай мытні.

«Сёння ўдасканаленне аўтаматычнага выпуску тавараў з’яўляецца прыярытэтнай задачай мытных органаў Рэспублікі Беларусь, – падзяліліся суразмоўцы. – Гэта тэхналогія ўжываецца ў мытных працэдурах экспарту, імпарту і транзіту. Развіццё бескантактавай тэхналогіі дазваляе істотна паскараць здзяйсненне мытных аперацый, спрыяе скарачэнню тэрмінаў выпуску тавараў, што, у сваю чаргу, садзейнічае развіццю бізнесу добрасумленных суб’ектаў гаспадарання».