Чым займаюцца магілёўцы падчас эпідабстаноўкі

Самаізаляцыя выклікала ў Інтэрнэце нямала мемаў на тэму чалавека, які пакутуе ад нуды. Аказваецца, нічога не рабіць–таксама так сабе занятак. Аднак у гэты перыяд можна не толькі храбусцець печывам і з раніцы да ночы глядзець серыялы, але і скарыстацца момантам і правесці вольны час з карысцю.

Уладзіслава Пабрызгаева, педагог:

– Я працую педагогам дадатковай адукацыі ў Цэнтры творчасці «Эверэст», кірую аб’яднаннем па інтарэсах«Каты-пажарныя». Для хлопчыкаў і дзяўчынак, якія не ходзяць на заняткі, прыдумала новы напрамак – стварэнне малюнкаў у камп’ютарнай тэхніцы ілюстрацыі: на планшэце з дапамогай стылуса або на паперы. Вырашыла, што дзецям будзе цікава паспрабаваць нешта незвычайнае. І ім сапраўды спадабалася. У кожнага з іх атрымліваюцца свае казачныя героі, з’яўляюцца новыя персанажы, хтосьці нават складае пра іх гісторыі. З гэтых работ мы потым ствараем кліпы і мультфільмы. А яшчэ праводзім віртуальныя выставы малюнкаў, удзельнічаем у анлайн-конкурсах, міжнародных фестывалях. У адным з іх мая вучаніца Аня Марозава заняла першае месца.

СБ