Фасады будынкаў у Горках упрыгожылі вершы паэтаў-землякоў

Тры новыя яркія арт-аб’екты з’явіліся на цэнтральных вуліцах Горак. Вершы вядомых паэтаў-землякоў аздобілі фасады будынкаў

Гэтыя працы – вынік рэалізацыі праекта «Нашчадкам прысвячаецца!», які прыдумалі і ажыццявілі ўдзельнікі рэгіянальнага семінара Школы гарадскіх ініцыятыў «Цяпліца». Аўтары ідэі натхніліся Магілёўскім праектам Цэнтра гарадскіх ініцыятыў «Вершы на сцэнах» і вырашылі зрабіць нешта падобнае ў Горках. Для гэтага яны выбралі вершы мясцовых паэтаў – Ніны Кавалёвай, Святланы Цярэшкі і Лідзіі Андрэевай.

Відавочна, што новыя аб’екты прыцягнуць увагу не толькі жыхароў Горак, але і гасцей горада, стаўшы выдатнымі фотазонамі.

Праект рэалізоўваўся мастакамі Антонам Юрэвічам і Ганнай Парахонька пры падтрымцы грамадскіх арганізацый і Горацкага райвыканкама.