Флэшмоб #дзякуйдоктар. Творчасць у жыцці медыцынскіх работнікаў Магілёўскай вобласці

Напярэдадні Дня медыцынскага работніка Магілёўскі абласны метадычны цэнтр народнай творчасці і культурна-асветнай працы і клубныя ўстановы культуры рэгіёна запусцілі флэшмоб #дзякуйдоктар, дзе выказалі ўдзячнасць ўсім медыцынскім работнікам айчыннай аховы здароўя.

Відэаролік, зманціраваны цэнтрам творчасці, прысвечаны працы медыкаў. У ім прынялі ўдзел медыцынскія работнікі (прадстаўнікі раёнаў Магілёўскай вобласці і горада Магілёва), якія з гонарам выконваюць свае прафесійныя абавязкі, а таксама радуюць гледачоў, выяўляючы сябе ў творчасці. Многія з’яўляюцца ўдзельнікамі студый, калектываў, тым самым упрыгожваючы і дапаўняючы культуру рэгіёна.