Да Дня горада ў Магілёве разгорнецца «ЧытайСквер» «753 старонкі...». Пра гэта паведаміла загадчыца аддзела бібліятэчнага маркетынгу Цэнтральнай гарадской бібліятэкі імя Карла Маркса Алена Шэпелева.
«28 чэрвеня ў скверы 40-годдзя Перамогі з 12.00 да 18.00 для гасцей свята будуць працаваць разнастайныя тэматычныя пляцоўкі: выставы і фотасесіі, свабодная зона для чытання, падрыхтаваная музычна-забаўляльная праграма і многае іншае», – расказала Алена Шэпелева.
Так, у свабоднай зоне для чытання можна будзе ўбачыць, як выглядалі б пісьменнікі-класікі ў сучасным свеце. Выстава «Гарады-пабрацімы: пародненыя сэрцамі» раскажа цікавыя факты аб гарадах, з якімі Магілёў усталяваў сяброўскія адносіны. На яшчэ адной інтэрактыўнай пляцоўцы можна будзе пазнаёміцца з беларускімі традыцыямі: тут гасцей будуць чакаць гульні і загадкі. Уся сям’я зможа паспрабаваць сябе ў ролі навукоўцаў у «Вар’яцкай лабараторыі» – для наведвальнікаў падрыхтавалі займальныя доследы, настольныя гульні.
Акрамя інтэрактыўных пляцовак, супрацоўнікі бібліятэкі падрыхтуюць для гасцей свята разнастайныя зоны для фотасесій: інсталяцыі з кніг, аб’ёмныя карціны.
«Для тых, хто па якіх-небудзь прычынах не зможа наведаць наша мерапрыемства, мы будзем праводзіць прамую трансляцыю ў Instagram-акаўнце бібліятэкі: @public_librares_mogilev», – адзначыла Алена Шэпелева.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 09:24
02.05.2024 - 17:40
Каля 100 творчых работ прадставілі на інклюзіўным міжнародным арт-праекце «Пяць пачуццяў» у Магілёве
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»