Уласны гімн з’явіўся ў Круглянскага раёна

Афіцыйны гімн з’явіўся ў Круглянскага раёна. Як расказаў начальнік аддзела ідэалагічнай работы, культуры і па справах моладзі райвыканкама Сяргей Лазоўскі, у конкурсе на стварэнне галоўнага музычна-паэтычнага сімвала раёна прыняло ўдзел больш за 10 аўтараў і ўраджэнцаў Кругляншчыны. Перамог варыянт гімна, аўтарам тэксту якога з’яўляецца мясцовы паэт Віктар Бяляцкі, а музыкі – заслужаны артыст Беларусі і ганаровы грамадзянін Круглянскага раёна Уладзімір Варапаеў.

Афіцыйны гімн Круглянскага раёна зацвердзіў раённы Савет дэпутатаў. Упершыню афіцыйна ён прагучаў 3 ліпеня на Дзень Незалежнасці Рэспублікі Беларусь, як адзначыў Сяргей Лазоўскі.

«Радыё Магілёў»