У Магілёўскай вобласці вызначаны месцы для агітацыйных матэрыялаў выбарнай тэматыкі

Мясцовымі выканаўчымі органамі ўлады Магілёўскай вобласці вызначаны месцы для агітацыйных матэрыялаў кандыдатаў у Прэзідэнты Рэспублікі Беларусь. Традыцыйна, як адзначаюць у абласной камісіі, да іх, перш за ўсё, адносяцца размешчаныя на ўчастках для галасавання інфармацыйныя стэнды.

Сярод іншых дазволеных месцаў – дошкі аб’яў, стэнды, вітрыны прамысловых прадпрыемстваў і арганізацый гандлю, грамадскага харчавання, жыллёва-камунальнай гаспадаркі, бытавога абслугоўвання, а таксама будаўнічых і праектных арганізацый, устаноў аховы здароўя, адукацыі, культуры і спорту.

Вызначаны рашэннямі мясцовых органаў улады і памяшканні для правядзення сустрэч кандыдатаў у Прэзідэнты Рэспублікі Беларусь і іх давераных асоб з выбаршчыкамі, а таксама месцы для іх працы па заяўным прынцыпе па-за памяшканнямі – правядзення мітынгаў, пікетаў і іншых відаў агітацыйнай дзейнасці.

Агітацыйны перыяд выбараў Прэзідэнта Рэспублікі Беларусь прадоўжыцца да 8 жніўня.

mogilevnews.by