Леанід Заяц прадставіў новага намесніка старшыні і кіраўніка справамі Магілёўскага аблвыканкама

Сёння старшыня Магілёўскага абласнога выканаўчага камітэта Леанід Заяц прадставіў новага намесніка старшыні аблвыканкама Сяргея Маслава, які раней працаваў дырэктарам камунальнага ўнітарнага прадпрыемства па праектаванні, рамонце і будаўніцтве дарог «Магілёўаблдарбуд».

Сяргей Маслаў будзе курыраваць пытанні развіцця будаўнічага комплексу, сувязі, транспарту і камунікацый, жыллёвай і камунальнай гаспадаркі, надзвычайных сітуацый, архітэктуры і горадабудаўніцтва, жыллёвай палітыкі, дарожнай гаспадаркі, ліквідацыі наступстваў катастрофы на ЧАЭС, паліўна-энергетычнага комплексу, энергаэфектыўнасці, збору, перапрацоўкі лому і адходаў чорных і каляровых металаў.

Уручаючы пасведчанне новаму намесніку, Леанід Заяц выказаў упэўненасць у тым, што эфектыўная праца папярэдняга кіраўніка Руслана Пархамовіча, які шмат зрабіў у плане развіцця будаўнічага комплексу і ў сферы добраўпарадкавання Магілёўшчыны, будзе працягнута і памножана.

Кіраўнік рэгіёна звярнуў увагу Сяргея Маслава на інтэнсіўны пошук шляхоў вырашэння праблемных пытанняў, якія тычацца працы жыллёвай і камунальнай гаспадаркі, а таксама на вырашэнне сацыяльных задач.

У гэты ж дзень Леанід Заяц прадставіў Мікалая Дзядкова на пасадзе кіраўніка спраў Магілёўскага аблвыканкама.

Мікалай Дзядкоў будзе курыраваць пытанні арганізацыі працы апарату і структурных падраздзяленняў аблвыканкама, дэбюракратызацыі, працы са зваротамі грамадзян і юрыдычных асоб, кантролю, справаводства, гаспадарча-тэхнічнага забеспячэння, прававой і пратакольнай дзейнасці.

Кіраўнік рэгіёна высока ацаніў асобасныя і дзелавыя якасці новых выканаўцаў, іх прафесійную падрыхтоўку, эрудыраванасць і гатоўнасць да выканання задач, пастаўленых перад Магілёўшчынай.

Леанід Заяц павіншаваў Сяргея Маслава і Мікалая Дзядкова з высокім прызначэннем, пажадаў поспеху ў працы і выказаў упэўненасць, што яны з гонарам і годнасцю справяцца з ускладзенымі на іх абавязкамі.

У сваю чаргу зноў прызначаныя супрацоўнікі запэўнілі, што апраўдаюць надзеі і давер. З поўнай аддачай будуць выконваць свае функцыі на карысць Прыдняпроўскага краю.

Фото: Роман Руцкий mogilevnews.by