Каманда Магілёўскай вобласці заняла другое месца першынстве Беларусі па выездцы сярод юніёраў

Першынство Беларусі па выездцы прайшло на базе Рэспубліканскага цэнтра алімпійскай падрыхтоўкі коннага спорту і конегадоўлі ў Ратамцы. У спаборніцтвах прымалі ўдзел юніёры і юніёркі 1999 г. нараджэння. Пра гэта паведамляецца на афіцыйным сайце Беларускай федэрацыі коннага спорту.

Па выніках спаборніцтваў у камандным першынстве другое месца занялі дзяўчаты Магілёўскай вобласці ў складзе: Ніканорава Анастасія на Заветнай, Сафонава Кацярына на Ваксайдзе, Янкоўская Анастасія на Ватыкане. Усе спартсменкі з’яўляюцца прадстаўніцамі ўстановы «МАЦАР па КС і СП».

Акрамя каманднага прызавога месца, магілёўскія наезніцы атрымалі і асабістыя перамогі ў заліках. Так, Янкоўская Анастасія на кані Ватыкан стала найлепшай у заліку «Камандны прыз», а Сафонава Кацярына на кані Ваксайд перамагла ў КЮР па праграме юніёрскай язды.