Больш за 22 тыс. дарослых і 10 тыс. дзяцей будзе прымацавана да некалькіх тэрапеўтычных участкаў новай паліклінікі ў магілёўскім мікрараёне Казіміраўка. На будаўніцтва ўстановы аховы здароўя выдзелена Br47 млн., а сучаснае абсталяванне абышлося гораду і спонсарам каля Br7 млн.
Абноўленая паліклініка № 3 інтэграваная – тут размесцяцца дзіцячае і дарослае аддзяленні, падстанцыя хуткай дапамогі, жаночая кансультацыя, стаматалогія, рэабілітацыя, вода- і спелеалячэнне. Усе наведванні – толькі па электроннай чарзе. Зараз тэрміналы ўстанаўліваюць у фае паліклінікі.
Пацыенты таксама змогуць аператыўна атрымліваць інфармацыю дыстанцыйна, па тэлефоне, запісвацца на прыём анлайн, выклікаць урача на дом, бо ў паліклініцы запрацуе сучасны кол-цэнтр. А для зручнасці наведвальнікаў на вялікае табло выведуць усю інфармацыю. Яе ж прадублююць на маленькіх экранах каля кожнага кабінета. У паліклініцы прадугледжана і безбар’ернае асяроддзе для людзей з абмежаванымі магчымасцямі.
На кожнага пацыента завядуць электронную амбулаторную карту, а ўсё дыягнастычнае абсталяванне сумесцяць з медыцынскай інфармацыйнай сістэмай, і туды анлайн будуць трапляць вынікі даследаванняў.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 10:48
29.04.2024 - 13:41
Айчыннымі гатункамі на Магілёўшчыне засеяна 96 працэнтаў пасеваў збожжавых культур
26.04.2024 - 14:58
«Чарнобыльскі ўдар з'яднаў беларусаў». Памяць ахвяр аварыі на ЧАЭС ушанавалі ў Слаўгарадзе
25.04.2024 - 12:13
Аляксандр Лукашэнка: асноўную рэальную рызыку для Беларусі стварае гарачая кропка ва Украіне