XII Міжнародны інвестыцыйны форум «Млын поспеху» пройдзе ў Крычаве 6–7 лістапада

XII Міжнародны інвестыцыйны форум «Млын поспеху» па развіцці паўднёва-ўсходняга рэгіёна Магілёўскай вобласці пройдзе ў Крычаве 6–7 лістапада. Пра гэта карэспандэнту сайта паведамілі ў камітэце эканомікі аблвыканкама.

Падчас форуму будзе арганізавана работа выстаў арганізацый-вытворцаў Магілёўскай вобласці, чатырох секцый: «Рэалізацыя інвестыцыйнага патэнцыялу з выкарыстаннем пераваг паўднёва-ўсходняга рэгіёна Магілёўскай вобласці», «Перспектывы развіцця аграпрамысловага комплексу ПУР», «Другі рэгіянальны форум па ўстойлівым развіцці “Магілёўская вобласць – тэрыторыя ўстойлівага развіцця”», «Развіццё турызму ў паўднёва-ўсходніх рэгіёнах Магілёўскай вобласці». Таксама плануецца правядзенне перагавораў, наведванне прадпрыемстваў, падпісанне пагадненняў, пратаколаў намераў.  

«Магілёўская вобласць прадстаўляе шырокі спектр магчымасцей для інвестыцый у розныя галіны эканомікі як для беларускіх, так і для замежных прадпрымальнікаў, – адзначылі суразмоўцы. – Гаворка сёння ідзе перш за ўсё аб буйных праектах, якія важныя для жыццядзейнасці вобласці і адкрываюць новыя магчымасці для вядзення бізнесу. Указам Прэзідэнта Рэспублікі Беларусь ад 8 чэрвеня 2015 г. № 235 «Аб сацыяльна-эканамічным развіцці паўднёва-ўсходняга рэгіёна Магілёўскай вобласці» створаны шэраг прэферэнцый для развіцця паўднёва-ўсходняга рэгіёна, які ўключае стварэнне новых прадпрыемстваў і вытворчасцей у Крычаўскім, Клімавіцкім, Краснапольскім, Касцюковіцкім, Слаўгарадскім, Чэрыкаўскім і Хоцімскім раёнах».

Папярэдняя праграма