На ўчастку аўтадарогі Р-43 РФ – Крычаў – Бабруйск – Івацэвічы Дзяржаўтаінспекцыя ўзмоцніць кантроль за дарожным рухам

У мэтах папярэджання дарожна-транспартных здарэнняў супрацоўнікі Дзяржаўтаінспекцыі ў выхадныя ўзмоцняць кантроль за дарожным рухам.

Як расказалі карэспандэнту сайта ў аддзяленні па агітацыі і прапагандзе ДАІ УУС Магілёўскага аблвыканкама, на аўтадарозе Р-43 (мяжа Расійскай Федэрацыі (Звянчатка) – Крычаў – Бабруйск – Івацэвічы) будуць праводзіцца масіраваныя адпрацоўкі па спыненні парушэнняў ПДР усімі ўдзельнікамі дарожнага руху.

Асаблівая ўвага – захаванню вадзіцелямі ўстаноўленых хуткасных рэжымаў, правілаў абгону, выезду на паласу сустрэчнага руху. Экіпажы правераць і выкананне правілаў перавозкі пасажыраў, у асаблівасці непаўналетніх. Пракантралююць нарады таксама стан кіроўцаў, наяўнасць у іх правоў кіравання. Спыняцца будуць і парушэнні ПДР з боку пешаходаў, веласіпедыстаў.

Узмоцнены кантроль будзе весціся:

– з 18.00 2 кастрычніка да 6.00 3 кастрычніка;

– з 19.00 3 кастрычніка да 7.00 4 кастрычніка;

– з 11.00 да 19.00 4 кастрычніка.

Няўхільна выконвайце ўсе патрабаванні правілаў дарожнага руху! Будзьце пільнымі на дарозе!