У Краснаполлі ўстанавілі высокаэканамічную энергакрыніцу на мясцовых відах паліва

У Краснаполлі ўстанавілі высокаэканамічную энергакрыніцу на мясцовых відах паліва. Пра гэта паведамілі ў Магілёўскім абласным упраўленні па наглядзе за рацыянальным выкарыстаннем паліўна-энергетычных рэсурсаў.

У канцы верасня, пасля завяршэння рэканструкцыі кацельні Краснапольскага УВКП «Жылкамунгас» на вул. Машэрава была ўведзена ў эксплуатацыю першая з трох кацельняў са заменай катла з нізкім каэфіцыентам карыснага дзеяння і цеплавой магутнасцю 450 кВт на больш эфектыўны –з ККД 86% і цеплавой магутнасцю 800 кВт.

Суразмоўцы растлумачылі, што раней для стабільнага забеспячэння спажыўцоў цеплавой энэргіяй пры тэмпературы вонкавага паветра ніжэйшай за мінус 5 градусаў Цэльсія даводзілася ўключаць у працу газавы кацёл і выводзіць з эксплуатацыі абсталяванне, якое працуе на мясцовых ПЭР. Новы кацёл дазволіць цалкам выключыць выкарыстанне прыроднага газу пры тэмпературы вонкавага паветра да мінус 24 градусаў.

Дарэчы, у 2016–2019 гадах у Магілёўскай вобласці ўведзены ў эксплуатацыю 22 энергакрыніцы з катламі на мясцовых відах паліва сумарнай магутнасцю 46,5 МВт. Да канца бягучага года плануецца ўвесці яшчэ тры на 5,8 МВт. Згодна з заданнем, доля мясцовых відаў паліва ў агульным спажыванні кацельна-пячнога паліва крыніцамі жыллёва-камунальнай гаспадаркі ў рэгіёне павінна складаць не менш за 53%.

Фота - energoeffekt.gov.by