З пачатку года ў Магілёўскай вобласці аздаравілася больш за 5,7 тыс. дзяцей з забруджаных радыяцыяй тэрыторый

За 9 месяцаў бягучага года ў Магілёўскай вобласці санаторна-курортным лячэннем і аздараўленнем скарысталася больш за 5,7 тыс.дзяцей і падлеткаў, якія пражываюць альбо навучаюцца на забруджаных радыенуклідамі тэрыторыях. Пра гэта паведамляе Рэспубліканскі цэнтр па аздараўленні і санаторна-курортным лячэнні насельніцтва.

– За 9 месяцаў 2020 года ў Магілёўскай вобласці скарысталася санаторна-курортным лячэннем і аздараўленнем 5 775 дзяцей і падлеткаў, якія пацярпелі ад катастрофы на ЧАЭС, – праінфармавалі ў цэнтры. – З іх 5 660 дзяцей – у складзе арганізаваных груп, 115 дзяцей ва ўзросце ад 3 да 6 гадоў –у суправаджэнні бацькоў. Непасрэдна санаторна-курортнае лячэнне атрымалі 1 482 школьнікі.

У цэнтры адзначылі, што дзеці праходзілі аздараўленне і лячэнне ў 22 здраўніцах, размешчаных на тэрыторыі Рэспублікі, а 140 дзяцей змаглі яго атрымаць у санаторыі «Белая Русь»(г. Туапсэ, Краснадарскі край, Расійская Федэрацыя).

Спецыялісты нагадалі, што забеспячэнне санаторна-курортным лячэннем і аздараўленнем дзяцей, якія пражываюць або навучаюцца на забруджаных радыенуклідамі тэрыторыях, з’яўляецца адной з важных задач для Магілёўскай вобласці.

– Непаўналетнія, якія пражываюць або навучаюцца на тэрыторыі радыеактыўнага забруджвання ў зоне наступнага адсялення, у зоне з правам на адсяленне і ў зоне пражывання з перыядычным радыяцыйным кантролем, маюць права на штогадовае бясплатнае санаторна-курортнае лячэнне або аздараўленне, – праінфармавалі ў цэнтры. – У кожнай здраўніцы рэспублікі маецца ўсё неабходнае, каб забяспечыць эфектыўнае санаторна-курортнае лячэнне, аздараўленне і паўнавартасны адпачынак дзяцей. Дзякуючы геаграфічнаму размяшчэнню, высокай якасці прадуктаў харчавання, шырокаму спектру прыродных гаючых фактараў, лячэбнай базе санаторна-курортных арганізацый кожнае дзіця на працягу тэрміну знаходжання праходзіць неабходны курс санаторна-курортнага лячэння або аздараўлення згодна з медыцынскай даведкай аб стане здароўя.

У гэтым годзе пэўныя карэктывы ў працэс аздараўлення унёс, у прыватнасці, каранавірус. Так, у 2019-м за 9 месяцаў у Магілёўскай вобласці санаторна-курортным лячэннем і аздараўленнем скарысталася 7 098 дзяцей і падлеткаў рэгіёнаў, якія пацярпелі ад катастрофы на ЧАЭС. Прычым дзеці атрымлівалі аздараўленне і лячэнне ў 19 здраўніцах, размешчаных як на тэрыторыі Беларусі, так і за мяжой. У прыватнасці, не толькі ў Туапсэ, але і ў Сочы, а таксама ў Анапе.

СБ