Міністэрства аховы здароўя скароціць да 10 дзён тэрміны ізаляцыі для тых, хто прыбывае з краін з дрэннай эпідэмічнай сітуацыяй, і для тых, хто ўстаноўлены як кантакт першага ўзроўню з заражаным COVID-19. Пра гэта паведаміў сёння журналістам выканальнік абавязкаў міністра аховы здароўя Дзмітрый Піневіч па выніках нарады ў кіраўніка дзяржавы.
«Навацыяй стане тое, што будуць скарачацца тэрміны ізаляцыі тых, хто прыбывае з краін (з дрэннай эпідэмічнай сітуацыяй. – Заўв. БелТА), і тэрмін знаходжання кантактаў першага ўзроўню на каранціне будзе 10 дзён», – сказаў Дзмітрый Піневіч.
Ён растлумачыў, што прычынай такіх зменаў сталі практычныя назіранні айчынных спецыялістаў, згодна з якімі праявы хваробы адбываліся звычайна не пазней за сёмы дзень пасля кантакту з хворым на каранавірус. «На сёмы дзень будуць праводзіць даследаванне, да 10-га дня глядзець на клінічныя праявы і на 10-ы дзень адпускаць людзей (з каранціну, калі ўсё ў парадку. –Заўв. БелТА). Гэта дадасць больш зручнасці тым, хто прыбывае з-за мяжы, і тым, хто знаходзіцца на самаізаляцыі», – адзначыў Дзмітрый Піневіч.
З нагоды магчымых дадатковых новаўвядзенняў выканальнік абавязкаў міністра сказаў, што яны калі і будуць, то выбарачныя, кропкавыя, а не маштабныя, паколькі асноўныя супрацьэпідэмічныя мерапрыемствы ў Беларусі ўжо былі прадугледжаны падчас першай хвалі, краіна напрацавала свой унікальны вопыт і цяпер будзе яго выкарыстоўваць. «Мы сёння яшчэ раз пацвердзілі эфектыўнасць абранай мадэлі ўвядзення абмежавальных мерапрыемстваў», – адзначыў ён.
«У нас няма пачуцця трывогі ў дачыненні да наступлення эпідэмічнага сезона. Адзінае, мы хацелі б звярнуць увагу ўсіх і кожнага: калі ёсць магчымасць (а яна ёсць), не трэба грэбаваць банальнымі мерамі засцярогі, якія прыводзяць да выдатных вынікаў», – падкрэсліў Дзмітрый Піневіч.
Пры выкарыстанні матэрыялаў актыўная гіперспасылка на mogilev-region.gov.by абавязковая
09.10.2025 - 10:12
Вакцынацыя ад грыпу ў Магілёўскай вобласці: як абараніцца ад віруса і пазбегнуць ускладненняў
08.10.2025 - 09:30
Як доўга дзейнічаюць прышчэпкі ад грыпу і ковід-19, расказалі ў Міністэрстве аховы здароўя
07.10.2025 - 15:17
Кампанія па вакцынацыі супраць грыпу стартавала ў Магілёўскай вобласці
02.10.2025 - 10:13
У Беларусі пачалі бясплатна вакцынаваць супраць віруса папіломы чалавека дзяўчынак 11 гадоў
01.10.2025 - 10:45
15.09.2025 - 10:48
30 маладых спецыялістаў прысвяцілі ў прафесію ў Магілёўскай бальніцы №1