Спартсмены Магілёўшчыны ў ліку пераможцаў чэмпіянату Беларусі па боксе

Сталі вядомыя пераможцы чэмпіянату Беларусі па боксе, які завяршыўся ў Маладзечне.

У турніры сярод мужчын перамогі ў сваіх вагавых катэгорыях атрымалі Антон Чарнамаз (57 кг, Магілёўская вобласць), Артур Туніеў (60 кг, Магілёўская вобласць), Аляксандр Радзівонаў (69 кг, Магілёўская вобласць).

На турніры выступалі 28 дзяўчат і 59 мужчын з усіх рэгіёнаў Беларусі. Турнір стаў адным з этапаў адбору на старты алімпійскай кваліфікацыі да гульняў у Токіа і чэмпіянату свету, якія адбудуцца ў 2021 годзе. Старт кантынентальнага адбору на Алімпіяду пройдзе ў лютым, сусветнага –у маі 2021 года.

Ва ўмовах пандэміі спаборніцтва праходзілі ў адпаведнасці з патрабаваннямі, былі прынятыя ўсе эпідэміялагічныя і санітарныя меры ў адпаведнасці з рэкамендацыямі Міністэрства аховы здароўя і Міжнароднай федэрацыі бокса.

На трыбуны не пускалі гледачоў, а ўдзельнікі абавязаны былі выконваць масачны рэжым. Для аматараў бокса ішла анлайн-трансляцыя з месца падзей.

БЕЛТА