Самы высокі і магутны не толькі ў Беларусі, але і ў СНД ветрагенератар з’явіцца каля вёскі Кокатава ў Мсціслаўскім раёне. Мяркуецца, што яго будаўніцтва ў межах праекта «Ветраэнергетычная ўстаноўка “Асмолавічы”» (заказчык – адна з магілёўскіх кампаній), будзе завершана ўжо ў канцы снежня бягучага года. Праект ажыццяўляецца з дапамогай фінансавання Белінвестбанка.
Як адзначаецца ў паведамленні банка, вышыня ветрака складзе 142 метры, магутнасць – 3,4 МВт. Сучасныя канструкцыі такіх установак дазваляюць выкарыстоўваць энергію ветру эканамічна і эфектыўна, што дазваляе не толькі пастаўляць электраэнергію ў агульную сетку, але і вырашаць задачы электразабеспячэння лакальных або астраўных аб’ектаў любой магутнасці.
Рэалізацыя праекта дазволіць таксама знізіць залежнасць ад вытворчасці электраэнергіі за кошт спальвання выкапнёвага паліва.
Здзелка ў рамках праекта «Ветраэнергетычная ўстаноўка “Асмолавічы”» ажыццёўлена Белінвестбанкам пры выкарыстанні інструментаў гандлёвага фінансавання, у прыватнасці, спецыяльна распрацаванага прадукту «Экалагічны». Ён дае магчымасць аказваць падтрымку кампаніям у рэалізацыі энергаэфектыўных тэхналогій.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.05.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35