Міністэрства аховы здароўя перагледзела рэкамендацыі па ўжыванні лекаў у лячэнні COVID-19, як паведаміла журналістам намеснік начальніка галоўнага ўпраўлення арганізацыі медыцынскай дапамогі – начальнік упраўлення спецыялізаванай медыцынскай дапамогі Міністэрства аховы здароўя Таццяна Мігаль, каменціруючы загад № 1106 ад 20 кастрычніка 2020 года.
«Мы закранулі і лабараторныя дыягностыкі, і канкрэтна лекавыя сродкі, якія выкарыстоўваем, і пастаноўкі дыягназу. Што тычыцца лекавых сродкаў, то перагледжаны дозы, больш падрабязна выкладзены тыя пазіцыі, якія найбольш часта выкарыстоўваюцца пры лячэнні пацыентаў. Больш падрабязна выкладзеныя пазіцыі ў дачыненні да нізкамалекулярных гепарынаў», – сказала Таццяна Мігаль.
Акрамя таго, асобная ўвага нададзена падрыхтоўцы пацыентаў да планавай шпіталізацыі. Агавораны пытанні лабараторнага абследавання на інфекцыю COVID-19. У прыватнасці, кантактам першага ўзроўню выконваецца ПЦР-даследаванне на 7я суткі ці сералагічныя даследаванні на 9-я суткі з даты апошняга кантакту.
Дакумент падрыхтаваны на падставе практычнага вопыту медыцынскай дапамогі пацыентам з інфекцыяй COVID-19, у тым ліку з улікам рэкамендацый СААЗ, замежных навуковых публікацый і матэрыялаў.
У новай рэдакцыі зацверджана таксама інструкцыя аб парадку арганізацыі эпідэміялагічнага расследавання выпадкаў інфекцыі COVID-19, медыцынскага назірання і аказання медыцынскай дапамогі кантактам I і II узроўняў.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.09.2025 - 10:48
30 маладых спецыялістаў прысвяцілі ў прафесію ў Магілёўскай бальніцы №1
18.08.2025 - 16:47
Бабруйскі радзільны дом папоўніўся дзесяццю маладымі спецыялістамі
05.08.2025 - 09:56