Тры пажары ў Горацкім, Бялыніцкім і Клімавіцкім раёнах адбылося за суткі ў вобласці. Пра гэта паведаміла старшы інспектар абласнога ўпраўлення МНС Вольга Нехарошых.
«Сур’ёзныя траўмы пры эвакуацыі з палаючага дома атрымаў жыхар вёскі Заполле Бялыніцкага раёна, – падзялілася суразмоўніца. – Пажар адбыўся 17 лістапада каля гадзіны дня. Выратавальнікаў выклікалі суседзі. Агонь практычна дашчэнту спапяліў жыллё. Знішчаны дах, перакрыцце, прыбудова і маёмасць, пашкоджаны сцены. Траўмаваны гаспадар з папярэднім дыягназам апёкі 1-3Б ступені 30% цела шпіталізаваны ў рэанімацыйнае аддзяленне ўстановы аховы здароўя. Прычына пажару высвятляецца».
Яшчэ адзін пажар адбыўся ў жылым доме ў вёсцы Дамамерычы Клімавіцкага раёна. Мясцовыя жыхары выявілі ўзгаранне, калі ўжо палаў дах. У выніку пажару знішчаны дах, пашкоджана перакрыцце і маёмасць у доме.
Як адзначыла Вольга Нехарошых, у абодвух выпадках прычыны здарэння ўстанаўліваюцца.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.07.2024 - 14:47
У Магілёўскай вобласці адноўлена энергазабеспячэнне ўсіх населеных пунктаў, якія пацярпелі ад стыхіі
19.07.2024 - 09:33
19.07.2024 - 09:27
Што рабіць, калі маёмасць пацярпела ад разгулу стыхіі? Фінансавая падтрымка ад райвыканкамаў (відэа)