Магілёўская вобласць – у спісе горадабудаўнічых праектаў на распрацоўку ў 2021 годзе

Савет Міністраў зацвердзіў пералік горадабудаўнічых праектаў, заказ на распрацоўку якіх падлягае размяшчэнню ў 2021 годзе. Адпаведную пастанову ад 16 лістапада 2020 года №649 афіцыйна апублікавалі сёння на Нацыянальным прававым інтэрнэт-партале.

У пералік увайшлі 24 горадабудаўнічыя праекты. Для Магілёўскай вобласці –тры.

У прыватнасці, будзе распрацаваны генеральны план для Магілёва.

Акрамя таго, генеральныя планы распрацуюць і для зоны адпачынку рэспубліканскага значэння «Чыгірынка».

Таксама будзе падрыхтаваны шэраг схем комплекснай тэрытарыяльнай арганізацыі розных раёнаў Беларусі і дэталёвыя планы розных участкаў.

БЕЛТА