Работы навучэнцаў на фотаконкурс «Адзін дзень з жыцця валанцёра» прымаюцца да 6 снежня

Рэспубліканскі валанцёрскі цэнтр аб’яўляе аб правядзенні фотаконкурсу «Адзін дзень з жыцця валанцёра». Такая інфармацыя размешчана ў Telegram-канале Міністэрства адукацыі.

Конкурс накіраваны на развіццё, папулярызацыю і павышэнне прэстыжу валанцёрства ў Беларусі і праводзіцца напярэдадні Міжнароднага дня валанцёра, які адзначаецца 5 снежня.

«Далучыцца да фотаконкурса могуць навучэнцы ўстаноў адукацыі Беларусі. Для гэтага трэба адправіць фота з валанцёрскіх мерапрыемстваў, у якіх непасрэдна ўдзельнічаў канкурсант. Фотаработы прымаюцца на пошту volcenterby@gmail.com з пазнакай «Фотаконкурс» да 6 снежня. У суправаджальным лісце трэба ўказаць прозвішча, імя, імя па бацьку аўтара, установу адукацыі, кантактны тэлефон, а таксама назву здымка, дату і месца», – адзначылі ў ведамстве.

Пераможца фотаконкурсу будзе вызначаны 9 снежня. Ён атрымае сертыфікат і сувенір.

БЕЛТА