Дзе ў Магілёўскай вобласці прайсці тэст на CОVID-19

У Беларусі ўстанавілі гранічныя тарыфы на паслугі па лабараторнай дыягностыцы COVID-19. Змены прадугледжаны пастановай Міністэрства аховы здароўя № 99.

Дыягностыку на каранавірус можна праводзіць метадам ПЦР – калі бяруць мазок. Такія аналізы робяць у 5 лабараторыях Магілёўскай вобласці: 2 – у Бабруйску, 3 – у Магілёве. І, дарэчы, толькі лабараторыя абласнога цэнтра гігіены і эпідэміялогіі праводзіць дыягностыку для выезду за мяжу.

Яшчэ ёсць тэст на антыцелы да COVID-19. У такім аналізе даследуюць кроў. Падобныя тэсты можна зрабіць у паліклініках і бальніцах рэгіёна па паказчыках. Па жаданні пацыент можа абследавацца платна.

Напрыклад, у паліклініках Магілёва з пачатку эпідэміі платныя экспрэс-тэсты на антыцелы да COVID-19 прайшлі 15 тыс. чалавек.

ТРК «Магілёў»