Сістэма сацстандартаў па абслугоўванні насельніцтва ўдасканальваецца ў Беларусі з 1 студзеня

Сістэма дзяржаўных сацыяльных стандартаў па абслугоўванні насельніцтва ўдасканальваецца ў Беларусі з 1 студзеня 2021 года. Гэта прадугледжана пастановай Савета Міністраў ад 14 снежня 2020 года № 720, паведамляецца на Нацыянальным прававым інтэрнэт-партале.

У прыватнасці, у галіне жыллёва-камунальнай гаспадаркі павялічаны нарматыў па ўдзельным асвятленні вуліц, у сферы культуры скарэкціраваны нарматыў забяспечанасці выдаткаў на культуру ў разліку на аднаго чалавека і інш.

На аснове сістэмы дзяржаўных сацстандартаў аблвыканкамы і Мінгарвыканкам устанаўліваюць пералікі сацстандартаў па абслугоўванні насельніцтва для адміністрацыйна-тэрытарыяльных адзінак (вобласці, раёны і гарады абласнога падпарадкавання) з улікам іх спецыфікі і развіцця інфраструктуры.

У Беларусі зацверджаны мінімальныя нарматывы абслугоўвання насельніцтва ў галіне жыллёва-камунальнай гаспадаркі, адукацыі, культуры, сувязі, транспарту, сацыяльнага абслугоўвання, аховы здароўя, гандлю, грамадскага харчавання і бытавога абслугоўвання.

БЕЛТА