Магілёўскае агенцтва па дзяржрэгістрацыі і зямельным кадастры правядзе бясплатныя кансультацыі

Адзіны дзень бясплатных кансультацый пройдзе 18 лютага ў фармаце прамых тэлефонных ліній у Магілёўскім агенцтве па дзяржаўнай рэгістрацыі і зямельным кадастры і яго філіялах, паведамілі ў прэс-службе Дзяржаўнага камітэта па маёмасці.

Грамадзяне і прадстаўнікі юрыдычных асоб змогуць атрымаць бясплатную прававую кансультацыю па пытаннях, звязаных з тэхнічнай інвентарызацыяй і дзяржаўнай рэгістрацыяй нерухомай маёмасці, афармленнем здзелак з нерухомасцю, выкананнем землеўпарадкавальных работ і ацэнкі.

Кансультацыі будуць праводзіцца з 9.00 да 13.00.

З кантактнай інфармацыяй можна азнаёміцца на сайце Дзяржкаммаёмасці.

БЕЛТА