Магілёўскі абласны драматычны тэатр 3–4 красавіка запрашае на канцэрт-жарт

Магілёўскі абласны драматычны тэатр 3–4 красавіка запрашае жыхароў абласнога цэнтра на канцэрт-жарт. Творчы вечар ансамбля «Expromt-Klassik-Quartett» (Людміла Барэйша – фартэпіяна, Надзея Мілаванава – віяланчэль, Ала Мурзіна і Вераніка Юргелас – скрыпка) запланаваны на 18.30.

У канцэртнай праграме прагучаць жамчужыны музычнай класікі: «Палёт» (А. Шнітке), «Тры контрдансы» (І. Казлоўскі), «Жарт» (І. С. Бах), «Каціны дуэт» (Дж. Расіні), а таксама музыка са спектакляў Магілёўскага аблдрамтэатра. На працягу вечара паміж нумарамі будуць гучаць жарты, вясёлы смех, анекдоты і незвычайныя кур’ёзныя гісторыі. Артысты развеюць звыклыя памылкі аб класічнай музыцы і падораць гледачам зарад бадзёрасці і добрага настрою на доўгі час.

Вядучыя – Васіль Галец і Аляксандр Палішчук, вядучы-эксперт – Галіна Лабанок, аўтар сцэнара і аранжыровак – Надзея Мілаванава, рэжысёр – Васіль Галец.

Дарэчы, канцэртам-жартам ансамбль «Expromt-Klassik-Quartett» адзначае сваё 20-годдзе.

Рэд.