Жылы комплекс з зонай адпачынку на даху будынка плануюць пабудаваць у Магілёве ў межах вуліц Крупскай, Стасава, Грышына, Калужскай з добраўпарадкаваннем прылеглай тэрыторыі. Пра гэта расказалі ў аддзеле будаўніцтва Магілёўскага гарвыканкама.
Будаўніцтвам плануе заняцца група кампаній «Усход». Комплекс будзе складацца з трох дамоў у 22 паверхі, агульная жылая плошча – 21,6 тыс. м2. Два дамы аб’яднаюць паміж сабой убудаванымі памяшканнямі адміністрацыйна-гандлёвага прызначэння. Асаблівасцю гэтага комплексу будзе дах ва ўсходнім стылі з зонай адпачынку на даху будынка.
Вакол жылых дамоў і гандлёвых памяшканняў плануецца стварыць 17% парковачных месцаў ад патрэбы. Астатнія 83% размесцяць у крокавай даступнасці – у паркінгах, створаных паводле праекта дэтальнай планіроўкі тэрыторыі.
На тэрыторыі таксама запланавана добраўпарадкаванне і азеляненне. У дварах будуць размешчаны велагаражы, а таксама пляцоўкі для спорту, адпачынку дарослых, дзіцячая гульнявая. Па перыметры дваровай тэрыторыі плануецца агароджа.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 12:02
Прамыя тэлефонныя лініі пройдуць 20 ліпеня ў Магілёўскай вобласці
16.07.2024 - 09:20
Рэктар БДСГА: у нас больш за 140 пагадненняў з навучальнымі і навуковымі ўстановамі свету (відэа)