Міністр унутраных спраў Іван Кубракоў наведаў з рабочым візітам Бабруйск. Ён азнаёміўся з работай ААТ «УКГ ”Бабруйскаграмаш”» і сустрэўся з працоўным калектывам.
Генеральны дырэктар холдынга Надзея Лазарэвіч расказала госцю аб выпускаемай прадукцыі і мадэрнізацыі вытворчасці, паказчыках прадпрыемства ў лічбах, рынках збыту і дасягненнях. На экскурсіі ў цэхах завода Іван Кубракоў убачыў тэхналагічныя вытворчыя працэсы стварэння сельскагаспадарчай тэхнікі, з цікавасцю затрымаўся на пляцоўцы пад адкрытым небам, дзе прадстаўлена шырокая лінейка гатовай прадукцыі холдынга.
Падчас сустрэчы з працоўным калектывам міністр унутраных спраў пагутарыў з работнікамі на актуальную тэму прафілактыкі правапарушэнняў і адказаў на іх пытанні. Іван Уладзіміравіч расказаў аб кіберзлачынствах і махлярстве, бытавых злачынствах, гібелі людзей на дарогах, ілжэмініраванні, аб зменах у заканадаўстве, якія тычацца кіроўцаў у стане алкагольнага ап’янення за рулём.
– Хачу сказаць вам велізарныя словы падзякі. Сёння быў захоплены, таму што я першы раз на такім прадпрыемстве і многія пытанні для сябе адкрыў па-новаму, для мяне гэта вельмі карысна. Відаць, што людзі ведаюць сваю справу, любяць сваю працу і шануюць яе. Мы, супрацоўнікі міліцыі, са свайго боку будзем рабіць усё для таго, каб вам працавалася спакойна і на нашых вуліцах быў мір і парадак, – сказаў у завяршэнне сустрэчы Іван Кубракоў.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ