Мінінфарм аб’явіў конкурс на самы лепшы сімвал Года народнага адзінства

Міністэрства інфармацыі запрашае прыняць удзел у адкрытым дыстанцыйным конкурсе на самы лепшы сімвал (лагатып) Года народнага адзінства. Пра гэта паведамілі ў ведамстве.

Конкурс праводзіцца для вызначэння графічнага стылізаванага вобраза, сімвала фірмовага стылю, які адлюстроўвае канцэпцыю правядзення Года народнага адзінства, зацверджанага ўказам Прэзідэнта ад 1 студзеня 2021 года № 1. У ім могуць прыняць удзел грамадзяне Беларусі, замежныя грамадзяне і асобы без грамадзянства, якія пастаянна пражываюць на тэрыторыі краіны, якія з’яўляюцца аўтарамі (калектывамі аўтараў) конкурсных работ, выкананых у адпаведнасці з патрабаваннямі, прадугледжанымі інструкцыяй аб парадку правядзення конкурсу.

Матэрыялы прадстаўляюцца ў Міністэрства інфармацыі на электронную пошту godedinstva@yandex.by з пазнакай «На конкурс на найлепшы сімвал (лагатып) Года народнага адзінства» з 13 да 26 красавіка 2021 года.

Конкурсная работа, якая заняла 1-е месца, будзе аб’яўлена афіцыйным сімвалам (лагатыпам) Года народнага адзінства.

Больш падрабязна з умовамі конкурсу можна азнаёміцца на сайце ведамства.

БЕЛТА