Вольга Петрашова: важны вектар нашай дзяржавы–падтрымка дзяцей усіх узростаў

Адзін з важных вектараў развіцця нашай дзяржавы–падтрымка дзяцей усіх узростаў. Такім меркаваннем падзялілася намеснік старшыні Пастаяннай камісіі па міжнародных справах Палаты прадстаўнікоў Вольга Петрашова падчас перадачы падарункаў для аддзялення медыцынскай рэабілітацыі для дзяцей ранняга ўзросту з паражэннем ЦНС з парушэннем функцыі апорна-рухальнага апарата Магілёўскай абласной дзіцячай бальніцы.

«У жыцці няма нічога даражэйшага, чым здароўе нашых дзетак, – адзначыла Вольга Петрашова. – Наша медыцына імкліва развіваецца. У нас створаны ўсе неабходныя ўмовы, патрэбныя для захавання жыцця і здароўя дзяцей, народжаных раней за прызначаны тэрміну. Урачы сваім цяплом, прафесіяналізмам, з дапамогай сучаснага абсталявання ратуюць малых і ўносяць самы вялікі ўклад у нашу будучыню. У Дзень абароны дзяцей мы яшчэ раз гаворым дзякуй медыцынскім работнікам, выказваем словы падтрымкі бацькам малых, а ўсім дзеткам жадаем здароўя».

Як адзначыла Вольга Петрашова, сённяшняя акцыя прымеркавана яшчэ да адной важнай даты: у гэтым годзе Беларускі саюз жанчын адзначае сваё 30-годдзе. «Таму актывісты амаль кожнай пяршоўкі намецілі для сябе выкананне трыццаці важных і добрых спраў. Мы не сталі выключэннем. Сёння, можна сказаць, далі старт», – адзначыла дэпутат.

Удзельнікі акцыі прывезлі ў падарунак для маленькіх пацыентаў больш за паўтысячы розных пялёнак.

Па словах галоўнага ўрача дзіцячай абласной бальніцы, члена Савета Рэспублікі Ігара Каско, аддзяленне медыцынскай рэабілітацыі для дзяцей ранняга ўзросту з паражэннем ЦНС з парушэннем функцыі апорна-рухальнага апарату разлічана на 30 ложкаў, на сённяшні дзень на шпіталізацыі знаходзіцца каля 30 дзяцей, яшчэ некалькі чалавек атрымлівае дапамогу ў рэжыме дзённага знаходжання. У аддзяленні нованароджаных у сярэднім ад 30 да 40 дзяцей штодня знаходзяцца на шпіталізацыі.

«Наша бальніца працуе па 22 урачэбных спецыяльнасцях. Мы выходжваем дзяцей ад 500 грам і больш. Вядома, у нас вельмі вялікія расходы інвентару. І сёння нашы госці прывезлі нам пялёнкі, якія нам вельмі патрэбныя. Хацелася б сказаць вялікі дзякуй нашым гасцям, якія не забываюць бальніцу, нашых пацыентаў і медыцынскіх работнікаў. А яны зробяць усё, каб дзеткі раслі здаровымі, моцнымі і прыгожымі, – падкрэсліў Ігар Каско. – Сёння, у Дзень абароны дзяцей, Магілёўская дзіцячая абласная бальніца прымала сяброў. Нас наведалі дэпутаты Палаты прадстаўнікоў, Беларускі саюз жанчын, грамадская арганізацыя «Патрыёты Беларусі», якія прыехалі дапамагчы нам. Мы вельмі цэнім такую ўвагу».

БЕЛТА