У магілёўскім музеі В. К. Бялыніцкага-Бірулі 22 верасня адкрыецца выстава выдатнага віцебскага акварэліста Фелікса Гумена «Класіка і эксперыменты. Да 80-годдзя майстра акварэлі». Пра гэта паведамілі ва ўстанове культуры.
На выставе будзе прадстаўлена больш за 70 жывапісных твораў майстра і яго вучняў. Палотны згрупаваны і разбіты на некалькі тэматычных раздзелаў: «Казачны Віцебск Гумена», «Кветкі, плады і іншае», «Дыялог з прыродай», «Прастора эксперыменту».
Фелікс Гумен – вядомы акварэліст і неардынарная асоба ў беларускай школе графікі другой паловы ХХ стагоддзя. Ён прыроджаны каларыст: яго працы вылучаюцца магутнай энергетыкай, эмацыянальнасцю і буйнасцю фарбаў. Віцебскі майстар таксама зарэкамендаваў сябе як таленавіты настаўнік: ён выкладаў на мастацка-графічным факультэце Віцебскага педагагічнага інстытута і выхаваў цэлую плеяду вядомых акварэлістаў. Больш за 40 яго вучняў і паслядоўнікаў сталі членамі Беларускага саюза мастакоў.
Магілёўцы і госці горада змогуць паглядзець выставу да 30 лістапада.
Пры выкарыстанні матэрыялаў актыўная гіперспасылка на mogilev-region.gov.by абавязковая
20.05.2024 - 18:29
«Быць татам - вялікі гонар і адказнасць». Тэматычную фотавыставу адкрылі ў Магілёве
20.05.2024 - 17:46
Кінаакцыя пройдзе ў Магілёве ў Дзень славянскага пісьменства і культуры
17.05.2024 - 14:05
Жыхары Краснапольскага раёна прэзентавалі свае дасягненні на фестывалі народнай творчасці ў Магілёве
10.05.2024 - 16:14
Што будзе новага на «Вялікі бард-рыбалцы» у 2024-м распавёў дырэктар музычнага фэсту
10.05.2024 - 10:02