Ацяпленне ў жылфондзе Магілёва пачнуць уключаць з 22 верасня

Ацяпленне ў жылфондзе Магілёва пачнуць уключаць з 22 верасня. Пра гэта паведаміў начальнік аддзела жыллёва-камунальнай гаспадаркі Магілёўскага гарвыканкама Ігар Данькоў.

«Ацяпленне ў жылыя дамы Магілёва пачнуць падаваць з 22 верасня. Цяпер службы ЖКГ ужо праводзяць падрыхтоўчыя працы, падключэнне дамоў будзе паэтапным», – адзначыў ён.

Падставай для такога рашэння стаў прагноз надвор’я. Як адзначыў Ігар Данькоў, на ўключэнне цэнтралізаванай сістэмы ацяплення ўплываюць ўмовы надвор’я: калі на працягу пяці дзён сярэднесутачная тэмпература складае 8 градусаў і ніжэй, у дамы жыхароў пачынае паступаць цяпло.

Ацяпленне ў аб’екты сацыяльнай сферы горада пачалі падаваць яшчэ 20 верасня.

БЕЛТА