Горацкія гімназісткі перамаглі ў рэспубліканскіх спаборніцтвах па зборы спілс-карт

Беларускі рэспубліканскі саюз моладзі ў Мінску падвёў вынікі рэспубліканскага патрыятычнага праекта «Ведаю Беларусь», прысвечанага Году народнага адзінства.

Сярод школьных каманд пераможцай чэмпіянату з часам 4 хвіліны 20 секунд стала каманда «Мерыдыян» з Магілёўскай вобласці. У складзе каманды тры дзяўчыны Горацкай гімназіі № 1: Ксенія Варанцова, Юлія Камісарава і Валерыя Лаўрова.

Фінальныя мерапрыемствы – інтэлектуальны турнір «Ведаю Беларусь» і аднайменны фінал рэспубліканскага чэмпіянату па хуткаснай зборцы спілс-карт Беларусі – сабралі ў спартыўна-культурным цэнтры Беларускага дзяржаўнага ўніверсітэта культуры і мастацтваў тры сотні маладых людзей – пераможцаў адборачных тураў гэтых спаборніцтваў сярод каманд навучэнцаў агульных сярэдніх, сярэдніх спецыяльных і прафесійна-тэхнічных устаноў адукацыі, студэнтаў і працоўнай моладзі.

Рэд., фота gorkiv.by