Урачыстае адкрыццё выставачнага праекта Барыса Первунінскіх «Мой шлях», прымеркаванага да 80-гадовага юбілею знакамітага магілёўскага майстра, які выхаваў не адно пакаленне мастакоў, адбудзецца у Магілёўскім абласным мастацкім музеі ім. П.В. Масленікава. Пра гэта паведамілі ва ўстанове культуры.
Па словах арганізатараў, тэматыка сюжэтаў самая розная: нацюрморты, пейзажы, працоўныя і спартыўныя будні.
«Як чалавек, у якога дзяцінства апалена вайной, майстар неаднаразова звяртаецца ў сваіх працах да тэмы ваеннага ліхалецця, – расказалі супрацоўнікі музея. – Па прызнанні самога Барыса Іванавіча, ён заўсёды з высокай патрабавальнасцю ставіцца да дасканаласці малюнка, жывапіснага майстэрства, вобразнага асэнсавання сучаснасці, а таксама надае выключнае значэнне кампазіцыі».
Мастак абапіраецца на вопыт выдатных майстроў, убірае ў сябе ўражанні ад іх твораў, але імкнецца не пераймаць іх, а захоўваць сваю індывідуальнасць і развіваць уласны стыль. З абвостранай цікавасцю і любоўю майстар успрымае рэальны воблік навакольнага свету, знаходзіць у будзённых матывах гармонію і прыгажосць, духоўныя і маральныя пачаткі.
Барыс Первунінскіх за доўгі творчы шлях прыняў удзел у вялікай колькасці рэспубліканскіх, усесаюзных, міжнародных і замежных выставах.
Мастак быў узнагароджаны шматлікімі граматамі і медалём «За ўклад у выяўленчае мастацтва Беларусі» ў 1991 годзе.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:27
12.07.2024 - 09:25
Ансамблі фальклорнай і народнай песні выступяць на рэгіянальным конкурсе ў Чэрыкаўскім раёне
08.07.2024 - 14:55
06.07.2024 - 18:14
Анатоль Маркевіч на свяце «Купалле»: толькі ў адзінстве мы можам тварыць і ствараць