Анатоль Ісачанка правёў сустрэчу з актывам Чэрыкаўскага раёна

Старшыня Магілёўскага абласнога выканаўчага камітэта Анатоль Ісачанка 16 лютага наведаў Чэрыкаўшчыну. Асноўная мэта візіту – сустрэча з актывам раёна. У ліку запрошаных на яе – кіраўнікі і спецыялісты прадпрыемстваў, арганізацый, дэпутацкі корпус, ветэраны працы і моладзь.

У сустрэчы таксама ўдзел прынялі Старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь Ігар Марзалюк, начальнік галоўнага ўпраўлення ідэалагічнай работы, культуры і па справах моладзі Магілёўскага аблвыканкама Кацярына Музычэнка, старшыня Чэрыкаўскага райвыканкама Алег Малышэўскі.

Асноўная тэма гутаркі – маючы адбыцца рэферэндум па ўнясенні змяненняў і дапаўненняў у Канстытуцыю Рэспублікі Беларусь. Пасля абмеркавання навацый, якія плануецца ўнесці ў Асноўны закон, Анатоль Міхайлавіч і Ігар Аляксандравіч адказалі на пытанні жыхароў Чэрыкаўшчыны, якія паступілі з залы.

cherikovnews.by