19.09.2018 - 15:40
У мэтах аховы рыбных рэсурсаў з 20 верасня па 10 кастрычніка на Чыгірынскім вадасховішчы Быхаўскага раёна будзе абмежавана аматарскае рыбалоўства, паведаміла спецыяліст па сувязях з грамадскасцю Дзяржаўнай інспекцыі аховы жывёльнага і расліннага свету пры Прэзідэнце Вольга Грамовіч.
З 20 верасня РУП «Магілёўэнерга» правядзе рамонтныя работы падводнай часткі гідратэхнічнага збудавання Чыгірынскай гідраэлектрастанцыі. Пры гэтым часткова спусцяць Чыгірынскае вадасховішча. Яго ўзровень знізіцца на 0,5 м.
