ПереводчикАрхіў навін
Прэзідэнт Беларусі Аляксандр Лукашэнка сёння ўручыў дзяржаўныя ўзнагароды заслужаным дзеячам розных сфер, шматдзетным маці, а таксама генеральскія пагоны прадстаўнікам вышэйшага афіцэрскага складу.
Напярэдадні Дня жанчын Магілёўскі абласны камітэт ГА «Беларускі рэспубліканскі саюз моладзі»абвясціў пра старт рэгіянальнага конкурсу відэаролікаў «Жанчыны Магілёўшчыны».
Прыняць удзел у творчым спаборніцтве могуць маладыя людзі ва ўзросце ад 14 да 31 года, якія знаходзяцца ў радах ГА «БРСМ».
Конкурс праводзіцца ў трох намінацыях:
«Віншаванне жанчыне»– ролік дэманструе выраб падарунка сваімі рукамі, чытанне верша, выкананне песні і іншае на зададзеную тэматыку;
Намеснік прэм’ер-міністра Беларусі Ігар Петрышэнка сёння наведаў Беларуска-Расійскі ўніверсітэт. Ён азнаёміўся з матэрыяльна-тэхнічнай базай ВНУ, выставай навуковых дасягненняў, а таксама сустрэўся са студэнтамі і выкладчыкамі ўстановы адукацыі.
Вітай беларускую мову ў сваім жыцці! Такі слоган абралi для свайго праекту вучні школы гарадскіх ініцыятыў «Цяпліца».
Мэта праекта «Z-божжа» - папулярызацыя беларускай мовы і культуры ў побыце. Ён прызначаны прадэманстраваць, што наша родная мова – лёгкая і зразумелая, мілагучная і прывабная.
Дзякуючы прагляду мультфільмаў і дзеткі, і іх бацькі змогуць атрымаць займальныя ўрокі беларускай мовы.
Арганізатары праекту запрашаюць усіх (дзяцей, бацькоў, дарослых і падлеткаў) на цыкл-прагляд мульцікаў на беларускай мове «Мульт і Мова».
У Мінску з 3 па 6 сакавіка пройдзе фінал рэспубліканскіх спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь у старэйшай узроставай групе (2006-2007 года нараджэння) дывізіёна "А". Матчы прыме малая арэна сталічнага спартыўнага комплексу "Чыжоўка-Арэна". У Мінску пройдуць тры з чатырох фіналы турніру, паведамілі ў прэс-службе Прэзідэнцкага спартыўнага клуба.
У Беларусі ёсць рэзервы для развіцця запатрабаванай і сучаснай адукацыі. Такое меркаванне выказаў памочнік Прэзідэнта па пытаннях развіцця фінансава-крэдытнай сістэмы Валерый Бельскі падчас выязнога асабістага прыёму грамадзян, які прайшоў у БДСА.
У Віцебску прайшлі рэспубліканскія спаборніцтвы па зімовым шматбор’і «Здароўе» сярод школьнікаў, якія навучаюцца ў сельскай мясцовасці. У зборную каманду Магілёўскай вобласці ўваходзіла 14 юнакоў і дзяўчат 5–11 класаў з Кіраўскага, Бабруйскага, Клімавіцкага, Мсціслаўскага, Бялыніцкага, Хоцімскага, Чэрыкаўскага раёнаў.
У праграму спаборніцтваў уваходзілі стральба з пнеўматычнай вінтоўкі, сілавая гімнастыка, лыжныя гонкі.
Старшыня Магілёўскага аблвыканкама Леанід Заяц наведаў ААТ «Беларускі цэментны завод». На сустрэчы з працоўным калектывам кіраўнік рэгіёна падзяліўся ўражаннямі ад галоўнай палітычнай падзеі, данёс патрабаванні Прэзідэнта Рэспублікі Беларусь, агучаныя на шостым Усебеларускім народным сходзе, расказаў аб сацыяльна-эканамічным развіцці Прыдняпроўскага краю на пяцігодку, а таксама адказаў на пытанні прысутных завадчан.
Выязны прыём грамадзян правёў памочнік Прэзідэнта–інспектар па Магілёўскай вобласці Леанід Мартынюк у ААТ «Ольса». Большая частка пытанняў тычылася бытавых праблем: нязручны графік руху грамадскага транспарту, прыватызацыя інтэрнатаў і стан дарог у асобных часткахабласнога цэнтра –з такімі пытаннямі да Леаніда Мартынюка звярнуліся супрацоўнікі прадпрыемства.
Прамую тэлефонную лінію 6 сакавіка правядзе намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёўскай вобласці наладжаная сістэма стабільных і эфектыўных узаемаадносін органаў мясцовага кіравання і самакіравання, якія на справе дапаўняюць адзін аднаго. На гэта звярнула ўвагу намеснік старшыні Магілёўскага абласнога Савета дэпутатаў Ірына Раінчык у гутарцы з карэспандэнтам сайта.
В крайне сложных условиях 2020 года все усилия органов госуправления Могилевской области были сосредоточены на поддержании экономики региона. При этом нужно отметить главное: удалось решить важнейшую задачу – сохранить бесперебойную работу предприятий и не допустить массового высвобождения работников.
Адкрыты традыцыйны рэспубліканскі турнір па спартыўнай акрабатыцы «Кіндар-сюрпрыз» пройдзе 1–5 сакавіка ў Палацы гімнастыкі Магілёва. Пра гэта паведамілі ў гарадской СДЮШАР «Багіма» імя А. Р. Мішчанкі.
26 лютага спаўняецца роўна сорак гадоў, як Аляксандр Міхайлавіч Лапацентаў узначаліў СВК «Калгас “Радзіма”» Бялыніцкага раёна. Гэта адно з нешматлікіх такога роду сельгаспрадпрыемстваў, якія засталіся з савецкага мінулага. І вось ужо 40 гадоў са сваіх 66 Аляксандр Міхайлавіч на сваім нязменным пасту. Пра такіх людзей звычайна кажуць: дзе нарадзіўся, там і прыгадзіўся.
Адкрыты дыялог «Адзінства. Развіццё. Незалежнасць» адбыўся ў Магілёве. Ён стаў часткай аднайменнага абласнога моладзевага форума і сабраў у канферэнц-зале абласнога метадычнага цэнтра народнай творчасці і культурна-асветнай працы прадстаўнікоў органаў улады, дэлегатаў VI Усебеларускага народнага сходу, членаў моладзевага парламента пры Магілёўскім абласным Савеце дэпутатаў, моладзевы актыў грамадскіх арганізацый рэгіёна.
У ААТ «Рассвет імя К. П. Арлоўскага» Кіраўскага раёна ёсць даўняя традыцыя: першы ўраджай гародніны з цяплічнага камбіната трэба вырасціць да свята 23 лютага. Цяперашні сезон не стаў выключэннем: першая партыя агуркоў саспела ў рассветаўскіх цяпліцах!
Першы ўраджай у канцы лютага–гэта як справа гонару для агароднікаў. Агуркі ў цяплічным камбінаце растуць на плошчы 2 гектары. І сабраць з іх плануюць не менш, чым у мінулым годзе, – больш за 1000 тон зялёнай гародніны.
Пагрозы ў сетцы Інтэрнэт, як і ў рэальным жыцці, – гэта злачынства, за якое пагражае крымінальная адказнасць. Пра гэта папярэджвае пракуратура Магілёўскай вобласці.
Пракуроры раяць памятаць пра гэта ўсім, хто карыстаецца сацыяльнымі сеткамі, і весці гутаркі без парушэнняў закона. Не выказваць пагрозы, не абражаць суразмоўцаў, не распаўсюджваць паклёп. У адваротным выпадку за ўсё пералічанае можа чакаць як штраф, так і пазбаўленне волі.
Магілёўская абласная бальніца медыцынскай рэабілітацыі вяртаецца да звычайнага рэжыму працы. Падчас росту захворвання COVID-19 ўстанова была перапрафілявана ў інфекцыйную бальніцу. Пра гэта расказаў галоўны ўрач бальніцы Барыс Дзераўцоў.
Дзень адчыненых дзвярэй правядуць магілёўскія бібліятэкі 24 лютага. Пра гэта паведаміла загадчыца аддзела бібліятэчнага маркетынгу Цэнтральнай гарадской бібліятэкі імя К. Маркса Алена Шэпелева.
Навучэнцы Магілёўскай дзяржаўнай гімназіі-каледжа мастацтваў імя Яўгена Глебава ў межах інфармацыйна-адукацыйнага праекта «ШАГ»сустрэліся з першым сакратаром Цэнтральнага камітэта ГА «Беларускі рэспубліканскі саюз моладзі», членам Савета Рэспублікі Нацыянальнага сходу VII склікання ад Магілёўскай вобласці Дзмітрыем Варанюком. Пра гэта расказала намеснік дырэктара ўстановы адукацыі па выхаваўчай рабоце Наталля Курыла.
Старшыня Магілёўскага аблвыканкама Леанід Заяц сёння сустрэўся з Апостальскім адміністратарам Мінска-Магілёўскай архідыяцэзіі біскупам Казімірам Велікасельцам. Таксама ў гутарцы прымаў удзел дапаможны біскуп Мінска-Магілёўскай архідыяцэзіі Аляксандр Яшэўскі. Бакі абмеркавалі пытанні ўзаемадзеяння.
Каманда Магілёўскай вобласці стала пераможцай рэспубліканскіх спаборніцтваў зімовага мнагабор’я «Абаронца Айчыны» сярод юнакоў дапрызыўнага і прызыўнога ўзросту ў межах дзяржаўнага фізкультурна-аздараўленчага комплексу Рэспублікі Беларусь.
Спаборніцтва праходзіла ў горадзе на Дняпры. Удзельнікамі спаборніцтваў з’яўляліся юнакі, якія навучаюцца ва ўстановах агульнай сярэдняй, прафесійна-тэхнічнай і сярэдняй спецыяльнай адукацыі.
Прамую тэлефонную лінію 27 лютага правядзе намеснік старшыні Магілёўскага аблвыканкама Сяргей Маслаў
Прамую тэлефонную лінію 27 лютага правядзе намеснік старшыні Магілёўскага аблвыканкама Сяргей Мікалаевіч Маслаў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
«Асіповіцкі завод транспартнага машынабудавання» Беларускай чыгункі вырабіла і адправіла на Беларускую антарктычную станцыю канструкцыю з двух кантэйнераў-цыстэрнаў, якія будуць выкарыстаны для захоўвання дызельнага паліва і сілкавання электрастанцыі, паведамілі ў прэс-цэнтры БЧ.
Своечасова аказаная дзяржпадтрымка дае магчымасць развіваць і ўмацоўваць важныя для краіны прадпрыемствы. Такім меркаваннем з журналістамі падзяліўся прэм'ер-міністр Раман Галоўчанка ў час рабочага візіту ў ААТ «Кіруючая кампанія холдынга «Бабруйскаграмаш».
У адпаведнасці з артыкулам 12 Закона Рэспублікі Беларусь «Аб мясцовым кіраванні і самакіраванні ў Рэспубліцы Беларусь» ад 4 студзеня 2010 года, Прэзідыум Магілёўскага абласнога Савета дэпутатаў склікае пазачарговую дваццаць сёмую сесію 25 лютага (14.00, Дом Саветаў, канферэнц-зала аблвыканкама).
Разглядваюцца пытанні:
«Справаздача аб рабоце Магілёўскага абласнога выканаўчага камітэта па сацыяльна-эканамічным развіцці вобласці ў 2020 годзе»;
«Справаздача аб працы Прэзідыума Магілёўскага абласнога Савета дэпутатаў па выніках 2020 года»
Сем пажараў адбылося за суткі ў Магілёўскай вобласці. Загінула 2 чалавекі, паведаміла старшы інспектар абласнога ўпраўлення МНС Вольга Нехарошых.
Адзіны дзень бяспекі пройдзе ў рэспубліцы з 20 лютага па 1 сакавіка. У гэтыя дні адбудуцца мэтанакіраваныя прафілактычныя мерапрыемствы па папярэджанні надзвычайных сітуацый, правапарушэнняў і злачынстваў, а таксама навучанне паводзінам ва ўмовах НС, аварый, аказанні першай медыцынскай дапамогі, паведаміла старшы інспектар абласнога ўпраўлення МНС Вольга Нехарошых.
У Магілёўскай вобласці праходзіць рэспубліканская патрыятычная акцыя «Я служу!», прымеркаваная да Дня Абаронцаў і Узброеных Сіл Беларусі. Пра гэта паведамілі ў Магілёўскім абласным камітэце ГА «Беларускі саюз моладзі».
Семінар на тэму «Аб зменах у падатковым заканадаўстве ў 2021 годзе» адбыўся ў Магілёве. Пра гэта паведамілі ў Магілёўскім агенцтве рэгіянальнага развіцця.