ПереводчикАрхіў навін
У нядзелю са сцэнічных пляцовак Магілёва прагучалі заключныя акорды міжнароднага музычнага фестывалю «Залаты шлягер». Стала крыху сумна. Свята, падчас якога можна было яшчэ раз успомніць старыя добрыя песні, скончылася. Але засталіся прыемныя ўспаміны ад сустрэч з любімымі артыстамі. І добры настрой…
Новы навучальны комплекс-школу-дзіцячы сад - плануюць пабудаваць у Асіповічах да 1 верасня 2024 года. Аб'ект стане самай вялікай установай адукацыі ў горадзе. Шматфункцыянальны навучальны цэнтр разлічаны на тысячу навучэнцаў.
Выніковая выстава XXVII Міжнароднага пленэру «Вобраз Радзімы ў выяўленчым мастацтве» - «Магілёўшчына індустрыяльная» адкрылася ў Магілёўскім абласным мастацкім музеі ім. П.У Масленікава.
Экспазіцыя змяшчае 45 мастацкіх работ, а таксама працы аўтараў пленэраў мінулых гадоў.
Каля тоны дабрачыннай дапамогі сабралі жыхары Магілёва для радзільнага дома ў Марыупалі. Дзіцячае харчаванне і адзенне для нованароджаных, падгузнікі і сродкі асабістай гігіены - усё гэта каля месяца збіралі жыхары Магілёва.
Сабраную гуманітарную дапамогу расфасавалі па каробках. Валанцёры больш за гадзіну грузілі іх у машыну. Аднак усё не змясцілася, а таму будзе яшчэ другі рэйс. Зараз гуманітарная дапамога адправіцца ў Мінск, у фонд паралімпійца Аляксея Талая, а ўжо пасля - на Данбас.
У Магілёве ў мінулыя выхадныя завяршыўся Міжнародны музычны фестываль «Залаты шлягер». Адным з яго заключных і яркіх акордаў стаў канцэрт-прэм'ера праекта «Песні нашага круга», які з аншлагам прайшоў у Магілёўскім абласным цэнтры творчасці 28 кастрычніка.
Паказальны прыклад. Дрыбінскі раён не першы год дэманструе пазітыўныя паказчыкі па аб'ёме экспарту, аднак у 2023-м вынікі асабліва заўважныя. За дзевяць месяцаў аб'ём экспарту склаў 952,2 тысячы долараў, ці 275 працэнтаў да аналагічнага перыяду мінулага года пры даведзеным паказчыку 166 працэнтаў. Значная заслуга ў гэтым ТАА «Агуна Плацінум», які працуе на тэрыторыі раёна.
У Магілёве падчас восеньскіх канікулаў будуць працаваць 44 лагеры з дзённым знаходжаннем. Пра гэта паведамілі ў гарвыканкаме.
У перыяд восеньскіх канікулаў на базе ўстаноў агульнай, сярэдняй адукацыі будуць працаваць 44 лагеры з дзённым знаходжаннем для больш як 2,7 тыс. дзяцей.
Ва ўстановах адукацыі будзе арганізавана работа спартыўных залаў, гульнявых пляцовак, камп'ютарных класаў, бібліятэк, відэа-, арт-, музычных салонаў, пакояў псіхалагічнай разгрузкі і іншае.
Баскетбалісты магілёўскага «Барысфена» прадоўжылі пераможную серыю ў матчах мужчынскага чэмпіянату Беларусі.
Сваю сёмую запар вікторыю лідэры першынства атрымалі ў суботу, 28 кастрычніка, у Віцебску, выйграўшы ў мясцовага «Рубона» з лікам 82:75.
Пасля сямі тураў становішча ў лідзіруючай групе такое: «Барысфен» - 14 ачкоў, «Гродна-93» - 12, «МІНСК» - 11.
БЕЛТА
Навасібірская вобласць зацікаўлена ва ўмацаванні сувязей з «Бабруйскаграмашам», паведамілі ў прэс-службе прадпрыемства.
Дэлегацыя Навасібірскай вобласці на чале з намеснікам міністра – начальнікам упраўлення прамысловасці і прадпрымальніцтва Міністэрства прамысловасці, гандлю і развіцця прадпрымальніцтва Навасібірскай вобласці Дзянісам Рагузавым наведала «Бабруйскаграмаш».
Кіраўніцтва холдынгу на чале з генеральным дырэктарам Алегам Корсакам азнаёміла гасцей з вытворчымі магутнасцямі прадпрыемства, мадэльным шэрагам тэхнікі.
Абласны семінар-практыкум па эстрадным вакале стартуе сёння ў Магілёве. Аб гэтым паведамілі ў Магілёўскім абласным метадычным цэнтры народнай творчасці і культурна-асветніцкай работы.
Удзельнікамі семінара-практыкума сталі вакалісты, кіраўнікі вакальных калектываў, іншыя спецыялісты клубных устаноў, педагогі ўстаноў дадатковай адукацыі, настаўнікі дзіцячых школ мастацтваў, педагогі дашкольных устаноў адукацыі, кіраўнікі вакальных гурткоў і секцый прыватных устаноў і арганізацый, асобы, якія займаюцца вакальным мастацтвам у прыватным парадку і іншыя катэгорыі.
У суботу, 28 кастрычніка, актыў БРСМ і ветэраны камсамольскага руху напярэдадні святкавання 105-гадовага юбілею УЛКСМ і 60-годдзя беларускіх студэнцкіх атрадаў сабраліся разам, каб высадзіць «Алею Пакаленняў» у гарадскім парку культуры і адпачынку Падміколле. Пра гэта расказалі ў Магілёўскім абкаме БРСМ.
Арганізатары падкрэслілі:
Хакеісты бабруйскага «Дынама-Шынніка» перамогай завяршылі выязную серыю ў рэгулярным чэмпіянаце Маладзёжнай хакейнай лігі.
Лінію па вытворчасці мясных кансерваў адкрылі на Магілёўскім мясакамбінаце.
Удзельнікамі гэтай падзеі сталі намеснік прэм'ер міністра Рэспублікі Беларусь Леанід Заяц і старшыня Магілёўскага аблвыканкама Анатоль Ісачанка.
Урачыстае мерапрыемства, прысвечанае 105-годдзю УЛКСМ, прайшло ў Магілёўскай дзяржаўнай гімназіі-каледжы мастацтваў імя Яўгена Глебава.
Папярэдзіла яго выстава, якая разгарнулася ў холе гімназіі. У экспазіцыі шмат камсамольскай атрыбутыкі. Для тых, у каго да гэтага часу захоўваецца камсамольскі білет, - гэта спатканне з юнацкасцю.
Маштабная прэзентацыя прадукцыі прамысловых прадпрыемстваў, дзелавыя перагаворы і тэматычныя секцыі: у Магілёве завяршыўся Міжнародны кааперацыйны форум па імпартазамяшчэнні, які праходзіў на працягу трох дзён у спартыўным комплексе «Алімпіец».
Дэлегацыя ўпраўлення ДКСЭ па Магілёўскай вобласці на чале з начальнікам упраўлення палкоўнікам юстыцыі Яраславам Федарынчыкам прымае ўдзел у рэспубліканскім семінары-нарадзе, прысвечанай перспектывам развіцця матэрыяльна-тэхнічнага забеспячэння Дзяржаўнага камітэта судовых экспертыз у 2024 годзе. Семінар праходзіць у г. Віцебску пад старшынствам кіраўніка экспертнага ведамства генерал-маёра юстыцыі Аляксея Волкава.
«Алею пакаленняў» высадзяць у Магілёўскім гарадскім парку культуры і адпачынку Падніколле. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».
Акцыя па высадцы алеі, прысвечаная святкаванню 105-гадовага юбілею УЛКСМ і 60-годдзю беларускіх студэнцкіх атрадаў, запланавана на 28 кастрычніка (субота). Тут у 10:00 збяруцца піянеры, актыў БРСМ і ветэраны камсамольскага руху, каб высадзіць больш за 50 клёнаў уздоўж ракі Дняпро.
З 1 лістапада 2023 года змяняюцца памеры бюджэту пражытачнага мінімуму
З 1 лістапада 2023 года мяняюцца памеры бюджэту пражытачнага мінімуму, паведамілі ў прэс-службе Міністэрства працы і сацыяльнай абароны.
Урачыстае адкрыццё міжнароднага музычнага фестывалю «Залаты шлягер» і вялікі канцэрт праходзіць на сцэне Палаца культуры вобласці ў Магілёве. Як падзяліліся гледачы, гэты фестываль - сапраўднае творчае свята.
«Мы заўсёды ходзім на «Залаты шлягер» і вельмі любім гэты фестываль. Гэта сапраўдны брэнд нашага горада, - сказала магіляўчанка Святлана Хаданкова. - Тут збіраюцца артысты нашай маладосці. Сёння ў горадзе яшчэ і першы снег выпаў, надвор'е шэрае. А тут яркая атмасфера».
Вялікім канцэртам з зоркамі расійскай эстрады ўрачыста адкрылі музычны фестываль «Залаты шлягер» 26 кастрычніка. На адной сцэне яны сустрэліся з заслужанымі артыстамі Беларусі і італьянскімі выканаўцамі.
Міжнародны музычны фестываль «Залаты шлягер» стаў знакавым здабыткам нашай культуры. Такой думкай з журналістамі падзяліўся міністр культуры Анатоль Маркевіч падчас урачыстага адкрыцця маштабнага фестывалю ў Палацы культуры вобласці ў Магілёве.
Круглы стол па развіццю сельскагаспадарчай вытворчасці адбыўся 26 кастрычніка ў Магілёўскім аблвыканкаме. На парадак дня было вынесена пытанне аказання фінансавай падтрымкі фермерскім гаспадаркам і прадпрымальнікам-перапрацоўшчыкам сельскагаспадарчай прадукцыі. Акрамя таго, з галіновымі дакладамі па ўкараненні інавацыйных праграм і тэхналогій, выкарыстанні прэпаратаў і найноўшых падыходаў у галіне выступілі кіраўнікі сельскагаспадарчых арганізацый, навуковыя кансультанты і прадстаўнікі профільных кампаній. Мерапрыемства арганізавана ў рамках Беларускага тыдня прадпрымальніцтва пры падтрымцы Беларускага саюза прадпрымальнікаў і камітэта эканомікі Магаблвыканкама.
У Магілёўскім дзяржаўным універсітэце імя А.А. Куляшова больш за стагоддзе паспяхова захоўваюць традыцыі і выхоўваюць падрастаючыя пакаленні. Аб гэтым сказаў міністр адукацыі Андрэй Іванец на ўрачыстым мерапрыемстве з нагоды 110-гадовага юбілею ўстановы вышэйшай адукацыі.
Міністр цёпла павіншаваў магілёўскую ВНУ з юбілеем, перадаў рэктару сертыфікат на Br110 тыс. для ўмацавання матэрыяльна-тэхнічнай базы, а таксама ўручыў шэраг узнагарод супрацоўнікам установы, у тым ліку нагрудныя знакі "Выдатнік адукацыі".
Міжнародны кааперацыйны форум па імпартазамяшчэнні «Зроблена ў Расіі» - «Зроблена ў Беларусі» праходзіць на тэрыторыі вобласці з 25 па 27 кастрычніка.
Намеснік старшыні Магілёўскага аблвыканкама Руслан Страхар сустрэўся сёння з дэлегацыяй Арэнбургскай вобласці на чале з першым віцэ-губернатарам - першым намеснікам старшыні Урада-міністрам сельскай гаспадаркі, гандлю, харчовай і перапрацоўчай прамысловасці Сяргеем Балыкіным. Бакі прэзентавалі свой эканамічны патэнцыял, абмеркавалі кірункі супрацоўніцтва і ўмацаванні сяброўскіх адносін.
Яркая палітра «Залатога шлягера» працягвае радаваць гледачоў. У Палацы культуры вобласці прайшоў канцэрт «Жыццё цудоўнае».
Перад гледачамі выступілі заслужаны калектыў Рэспублікі Беларусь аркестра народных інструментаў імя народнага артыста Беларусі Л.Л. Іванова з удзелам салістаў з Беларусі, Расіі, Італіі: Мікеле Пома, Антанела Бучы, Маўра Менгалі, Элеанора Д’Апаліта, Андрэа Кагосі.
На яркай ноце завяршыўся другі фестывальны дзень «Залатога шлягера» і ўпісаў у палітру песеннага форма чарговую слаўную старонку яго гісторыі.
З дэлегацыяй Усходняй адміністрацыйнай акругі горада Масквы на чале з першым намеснікам прэфекта, кіраўніком кантрактнай службы ВАТ Масквы Юрыем Захаравым сустрэўся сёння намеснік старшыні Магілёўскага аблвыканкама Руслан Страхар. Госці прыбылі ў рэгіён для ўдзелу ў Міжнародным кааперацыйным форуме па імпартазамяшчэнні. Таксама яны прынялі ўдзел у рабоце тэматычнай секцыі «Прамысловая кааперацыя - шлях ад імпартазамяшчэння да тэхналагічнай незалежнасці» ў ААТ «Магілёўліфтмаш».
Урачыстае адкрыццё кінатыдня «Тураўская восень» адбылося 25 кастрычніка ў магілёўскім кінатэатры «Радзіма».
Удзельнікамі цырымоніі сталі старшыня Магілёўскага абласнога аддзялення Саюза пісьменнікаў Беларусі Аляксандр Казека і навучэнцы магілёўскай сярэдняй школы №1, студэнты факультэта фізічнага выхавання МДУ імя А.А. Куляшова. Разам яны ўсклалі кветкі да памятнай дошкі Віктара Турава, устаноўленай на фасадзе кінатэатра. Пасля гэтага прайшоў паказ мастацкага фільма «Дыханне жыцця».
Бабруйчаніна Андрэя Зубенку добра ведаюць не толькі ў родным горадзе. Вось ужо больш за дзесяць гадоў ён кіруе створаным ім цэнтрам падтрымкі сям'і, мацярынства і дзяцінства "Пакроў", з'яўляецца заснавальнікам і старшынёй праўлення дабрачыннага фонду падтрымкі сям'і, мацярынства і дзяцінства «Пакроў». Аказваць падтрымку сем'ям, якія апынуліся ў цяжкай жыццёвай сітуацыі, - не адзіная місія, з якой ён паспяхова спраўляецца. Вялікую ўвагу ўдзяляе Зубенку і выхаванню моладзі.
У адзіны дзень азелянення ў Магілёўскай вобласці плануюць высадзіць каля 3,5 тыс. дрэў. Аб гэтым паведамілі ў абласным камітэце прыродных рэсурсаў і аховы навакольнага асяроддзя.
У Магілёўскай вобласці мерапрыемствы па пасадцы драўняна-хмызняковай расліннасці будуць праходзіць у Магілёве, раённых цэнтрах, сельскіх населеных пунктах, у тым ліку каля 6 помнікаў загінуўшым у гады Вялікай Айчыннай вайны.