Содержимое

XXIV Міжнародны пленэр па жывапісе «Вобраз Радзімы ў выяўленчым мастацтве», прысвечаны Году малой радзімы, завяршыў сваю працу. У ім прынялі ўдзел мастакі з Казахстана, Расіі, Украіны, Афганістана, Узбекістана і Паўднёвай Карэі. На працягу дзесяці дзён майстры працавалі на тэрыторыі дзвюх краін – Беларусі і Расіі: на Магілёўшчыне і ў Дзяржаўным мемарыяльным гісторыка-мастацкім і прыродным музеі-запаведніку Паленава. Фінальным акордам жывапіснага форуму стала калектыўная выстава работ, створаных падчас пленэру.

Абласны форум маладых журналістаў прайшоў 27 верасня ў Шклове. Горад наведалі прадстаўнікі сродкаў масавай інфармацыі рэгіёна і студэнты гісторыка-філалагічнага факультэта МДУ імя А. А. Куляшова, якія азнаёміліся са скульптурнай кампазіцыяй ад рэдакцыі газеты «Ударны фронт» у гонар 100-годдзя з дня выхаду першага нумара, іншымі скульптурамі на цэнтральнай плошчы. Для прадстаўнікоў мас-медыя былі арганізаваны экскурсіі на РУП «Завод газетнай паперы», у рэдакцыі раённай газеты і «Тэлекампаніі Шклоў ТБ».