Урачыстае адкрыццё XXII Міжнароднага фестывалю анімацыйных фільмаў «Анімаёўка – 2019» адбылося 25 кастрычніка ў Магілёве. У гэтым годзе на форуме пакажуць 353 фільмы з 49 краін свету. Упершыню будуць прадстаўлены працы з Босніі і Герцагавіны, Чарнагорыі, Інданезіі. Традыцыйна падчас свята будуць праводзіцца майстар-класы, конкурсы дзіцячай выяўленчай і дэкаратыўна-прыкладной творчасці, творчыя сустрэчы з аўтарамі мультфільмаў, а таксама тэматычныя паказы ў раённых цэнтрах Магілёўскай вобласці.
