Святочныя мерапрыемствы, прысвечаныя Дню Перамогі, у Магілёве адкрыў урачысты марш воінскіх часцей Магілёўскага гарнізона на плошчы Леніна. Далей па вуліцы Першамайскай прайшлі ўдзельнікі шэсця-парада. Сярод іх ветэраны Вялікай Айчыннай вайны, кіраўніцтва вобласці і горада, прадстаўнікі працоўных калектываў, моладзь і грамадскасць. Тысячы гараджан па традыцыі павіталі тых, хто каваў перамогу на франтах Вялікай Айчыннай вайны. Многія магіляўчане далучыліся да маштабнай акцыі «Беларусь памятае!».
