Старшыня Магілёўскага аблвыканкама Леанід Заяц 16 мая сустрэўся з працоўным калектывам ААТ «Белшына» ў межах адзінага дня інфармавання. Сярод асноўных задач, якія перад кіраўніцтвам прадпрыемства паставіў кіраўнік рэгіёна, – рытмічная праца і рост заработнай платы. Выкананне гэтых і шэрагу іншых даручэнняў будзе спрыяць паляпшэнню дабрабыту бабруйчан.
Акцябраты Магілёўшчыны 16 мая прынялі ўдзел у спартыўна-патрыятычнай гульні «Зарнічка», прысвечанай перамозе савецкага народа ў Вялікай Айчыннай вайне і 75-годдзю вызвалення Рэспублікі Беларусь ад нямецка-фашысцкіх захопнікаў. У мерапрыемстве ўзялі ўдзел 20 каманд акцябрат-зарнічнікаў ва ўзросце 9-10 гадоў. Кожны атрад прадстаўляў пэўны род войскаў са сваёй індывідуальнай эмблемай. Конкурсная праграма ўключала: агляд строю акцябрацкіх груп «Будзь гатовы!», паласу перашкод «Павуцінне» і «Багна», пазнавальны бліц-тэст «Маленькія грамадзяне вялікай краіны».
Новыя магутнасці створаны на тэрыторыі ЗТАА «Кровельны завод “Тэхнаніколь”» (уваходзіць у склад карпарацыі «Тэхнаніколь»). Гэта ўжо трэцяя вытворчасць тут і 8 завод па выпуску экструзійнага пенапалістыролу (XPS) карпарацыі ў свеце. Сюды інвеставана 800 млн расійскіх рублёў і створана дадаткова 30 новых высокааплатных працоўных месцаў. Гэта вытворчасць адкрывае для Беларусі доступ да самых высокатэхналагічных сегментаў сучаснага рынку цеплаізаляцыі: з аднаго боку, праектныя магутнасці дазваляюць цалкам закрыць унутраныя патрэбы грамадзянскага і прамысловага будаўніцтва, а з другога – каля 40% інавацыйнай прадукцыі плануецца экспартаваць.
Наведаць квэсты, касцюмаваныя экскурсіі, флэшмобы, майстар-класы, канцэрты, светлавое шоу і шоу мыльных бурбалак, інтэрактыўныя гульні і іншыя мерапрыемствы змогуць жыхары Магілёўскай вобласці 17-20 мая.
Абласныя вучэбна-практычныя семінары-нарады прайшлі 15 мая на базе Бялыніцкага ААТ «Аграсэрвіс». Удзельнікі мерапрыемства вывучылі стратэгію развіцця льнаводчай галіны, выпрацоўку тактыкі павелічэння вытворчасці жывёлагадоўчай сыравіны, пазнаёміліся з асаблівасцямі арганізацыі пашавага ўтрымання дойнага статка, тэхналогіямі нарыхтоўкі кансерваваных травяных кармоў з сумесі азімых жыта і крыжакветных культур з ужываннем кансервантаў і назапашвання іх у палімернай плёнцы і інш.
Магілёўскім аблвыканкамам 22 мая будзе праводзіцца вывучэнне меркавання насельніцтва па пытанні задаволенасці якасцю аказання паслуг транспарту, а менавіта: праца грамадскага транспарту на маршрутах рэгіянальнага паведамлення (міжгароднія ўнутрыабласныя маршруты).
Устаноўлена прозвішча курсанта-міліцыянера, які загінуў пры абароне Магілёва ў 1941 годзе каля вёскі Гаі. Пра гэта паведаміў кіраўнік абласнога патрыятычнага клуба «Віккру» Мікалай Барысенка.
Малочная прадукцыя «Бабулінай крынкі» паступіла ў чатыры магазіны гандлёвай сеткі кітайскай правінцыі Цзянсу, паведамілі ў генеральным консульстве Беларусі ў Шанхаі.