Больш за тысячу збожжаўборачных камбайнаў будуць задзейнічаны на жніве ў Магілёўскай вобласці. Сярод іх 25 новых машын, якія паступілі ў гаспадаркі рэгіёну ў гэтым годзе. Такой інфармацыяй падзяліўся камітэт па сельскай гаспадарцы і харчаванні аблвыканкама.
Дзяржаўнаму архіву Магілёўскай вобласці споўнілася 85 гадоў. У фондах ёсць матэрыялы ад пачатку 20-га стагоддзя да сучаснасці. Як прагучала на ўрачыстым сходзе з нагоды юбілею, архіўная справа будзе працягвацца, у тым ліку і ў новых праектах.
У Хоцімску кіпіць праца. Горад рыхтуецца прыняць свята хлебаробаў - абласныя дажынкі. Паўсюль вядуцца будоўлі. Цэнтральную раённую бальніцу таксама адрамантуюць і паставяць новае абсталяванне. Умацоўваюць дыягнастычную базу, каб нават складаны дыягназ можна было паставіць на месцы.
Аграрыі рэгіёнаў далучаюцца да жніва! Абрадам «Зажынкі» дадзены старт уборачнай кампаніі і ў самым паўночным раёне Магілёўскай вобласці - Горацкім. Па традыцыі першы сноп уручаны хлебаробам разам з пажаданнямі справіцца без страт. У гэтым сезоне ў палі Беларускай сельгасакадэміі выйшла папаўненне. У машынным парку - новы камбайн «Палессе».
У Слаўгарадскім раёне распрацоўваюць і ўкараняюць новыя падыходы ў турыстычнай сферы. Пра гэта расказала галоўны спецыяліст па пытаннях спорту і турызму Слаўгарадскага райвыканкама Лілія Ерашэнка.
Прамыя тэлефонныя лініі будуць праходзіць 15 ліпеня з 9.00 да 12.00 ва ўсіх гаррайвыканкамах, адміністрацыях раёнаў гарадоў Магілёва і Бабруйска. Свае пытанні можна будзе задаць па тэлефонах:
У Магілёве 13 ліпеня пачне працаваць прамая тэлефонная лінія па пытаннях аказання аднаразовай матэрыяльнай дапамогі шматдзетным сем'ям для падрыхтоўкі дзяцей да новага навучальнага года. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.