Пасольства Расійскай Федэрацыі ў Рэспубліцы Беларусь зацікаўлена, каб кааперацыйны форум па імпартазамяшчэнні «Зроблена ў Расіі» - «Зроблена ў Беларусі» стаў традыцыйным і развіваўся на карысць брацкіх дзяржаў. Аб гэтым заявіў гандлёвы прадстаўнік Расійскай Федэрацыі ў Рэспубліцы Беларусь Юрый Залатароў.
На форуме было зачытана прывітальнае слова Надзвычайнага і Паўнамоцнага Пасла Расійскай Федэрацыі ў Рэспубліцы Беларусь Барыса Грызлова. У звароце гаварылася, што праблематыка імпартазамяшчэння ў цяперашніх знешнепалітычных і знешнеэканамічных умовах актуальная як ніколі. У Расійскай Федэрацыі сутыкнуліся апошнія гады з беспрэцэдэнтнымі санкцыямі калектыўнага Захаду. У гэтых умовах прадпрыемствы вымушаны весці пошукі якасных аналагаў прамысловай прадукцыі. Геапалітычныя канкурэнты паспрабавалі засцерагчы беларускую і расійскую эканоміку ад перадавых тэхналогій, тым самым пазбавіць перспектыў для далейшага развіцця. У больш шырокім плане адной з задач была дэстабілізацыя сацыяльна-эканамічнага становішча, унутрыпалітычнай сітуацыі. Сумеснымі намаганнямі ўдалося ў найкарацейшыя тэрміны вырашыць праблему імпартазамяшчэння крытычна важных прадуктаў, вырашаюцца задачы па фарміраванні новых пунктаў росту прамысловасці Расіі і Беларусі. Ніякія санкцыі не змаглі перашкодзіць упэўненаму росту эканомік дзвюх дзяржаў. Нараўне з маштабнымі праектамі карпарацыі, індывідуальныя прадпрымальнікі на сваім узроўні вырашаюць пытанні імпартазамяшчэння і ўносяць свой уклад у тэхналагічны суверэнітэт. Неабходна выходзіць на новы ўзровень кааперацыі, новыя рынкі трэціх краін, каб нараўне з брэндамі «Зроблена ў Расіі» і «Зроблена ў Беларусі» на сусветных рынках з'явіўся знак якасці «Зроблена ў Саюзнай дзяржаве».
Намеснік міністра эканомікі Уладзімір Навумовіч адзначыў, што асноўная задача форуму - знайсці пункты судакранання малых і сярэдніх прадпрыемстваў, каб сумесная дзейнасць змагла рухаць наперад фінансава-эканамічныя вынікі:
Гэта і ёсць той тэхналагічны суверэнітэт дзвюх дзяржаў. Магілёўская вобласць сёння - адзін з драйвераў росту малога і сярэдняга прадпрымальніцтва, іх выручка сёлета ўзрасла на 20 працэнтаў. На форуме будуць абмяркоўвацца пытанні па сумеснай кааперацыі, так прасцей рухацца, развівацца, падстаўляць адно аднаму плячо. Кампаніі пазнаёмяцца адна з адной, ацэняць узровень кампетэнцый і змогуць прапанаваць адзін аднаму набор паслуг, тавараў, якія замесцяць тавары з рынкаў, што пайшлі ў выніку санкцый.
Шэраг расійскіх рэгіёнаў на форуме прадстаўляе цэлая каманда кампаній. Міністр прамысловасці, гандлю і прадпрымальніцтва Курскай вобласці Міхаіл Аксёнаў адзначыў:
- Мы прыехалі па запрашэнні старшыні Магілёўскага аблвыканкама. Склад нашай дэлегацыі дастаткова прадстаўнічы: 5 буйных прамысловых прадпрыемстваў, а наш Цэнтр падтрымкі экспарту прывёз калектыўны стэнд на выставу прадстаўнікоў малога і сярэдняга бізнесу. Прадстаўлены Курскі электраапаратны завод, Курскі акумулятарны завод, вытворца пакавання «Готэк» і іншыя. Прадпрыемствы плануюць выхад на беларускі рынак, пашырэнне супрацоўніцтва. У нас чакаюцца перамовы, сустрэчы, мы настроены пашыраць вытворчую кааперацыю, працаваць у сферы прамысловасці, будаўніцтва, гандлю. Мы загадзя добра адпрацоўвалі, шукалі нішы нашага супрацоўніцтва. Знайшлі іх у супрацоўніцтве з «Магілёўліфтмашам». Вашы ліфты пастаўляюцца на наш рынак, курскія забудоўшчыкі актыўна х набываюць, але мы б хацелі, каб вашыя ліфты былі яшчэ і з курскі камплектуючымі. Шэраг нашых прадпрыемстваў будуць праводзіць перагаворы з Магілёўэнерга па пастаўцы камплектуючых для электраразмеркавальных сетак. У знешнегандлёвым абароце Беларусь для нас - асноўны партнёр. Курская вобласць з 2002 года мае пагадненне з Рэспублікай Беларусь, пяць пагадненняў з абласцямі і дзясяткі з раёнамі, гарадамі-пабрацімамі. Усе гэтыя гады супрацоўніцтва толькі пашыраецца.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35
