У праекце новай Канстытуцыі паўнамоцтвы па фарміраванні ўрада замацаваны за прэм’ер-міністрам
У праекце новай Канстытуцыі Беларусі паўнамоцтвы па фарміраванні ўрада прапануецца перадаць прэм’ер-міністру. Пра гэта расказаў дырэктар інфармацыйна-аналітычнай установы «Круглы стол дэмакратычных сіл», член Канстытуцыйнай камісіі Юрый Васкрасенскі ў праграме «Аб’ектыўна» на тэлеканале АНТ.
У Магілёўскім Падміколлі будуюць вялікую аўтапаркоўку (відэа)
У Магілёўскім парку «Падміколле» хутка з’явіцца паркоўка больш чым для сотні аўтамабіляў. Яе будуюць непадалёк ад скейт-пляцоўкі. Таксама ў планах – новыя фігуры для экстрэмальных відаў спорту.
Лесапарк «Пячэрскі» ў Магілёве стаў заказнікам мясцовага значэння
Па рашэнні Магілёўскага гарадскога выканаўчага камітэта «Пячэрскі» абвешчаны заказнікам мясцовага значэння. Яго плошча ўключана ў склад зямель ахоўнай зоны і перададзена ва ўпраўленне прадпрыемству «Магілёўзеленбуд». Заказнік мясцовага значэння будзе ўключаны ў дзяржаўны інфармацыйны рэсурс «Рэестр асабліва ахоўных прыродных тэрыторый Рэспублікі Беларусь». Тэрыторыя зоны складаецца з трох адасобленых зямельных участкаў, агульная плошча якіх больш за 256 гектараў.
Акцыя па зборы цёплых рэчаў і абутку для маючых патрэбу стартавала ў Магілёве (відэа)
Дабрачынную акцыю «Скрыня дапамогі» ў Магілёве праводзіць абласная арганізацыя Беларускага таварыства Чырвонага Крыжа. Яе мэта – сабраць цёплыя рэчы і абутак для тых, хто ў гэтым мае патрэбу. Спецыяльны скрыню ўстанавілі на ўваходзе ў гандлёвы цэнтр у мікрараёне Казіміраўка. Арганізатары просяць магілёўцаў прыносіць чыстыя рэчы, у добрым стане. Сабранае цёплае адзенне і абутак будуць адпраўлены пераважна ў шматдзетныя сем’і.
У Магілёве да памятнага знака «Чэкістам Магілёўшчыны» людзі нясуць кветкі
У Магілёве людзі нясуць кветкі да памятнага знака «Чэкістам Магілёўшчыны», каб ушанаваць памяць супрацоўніка, які загінуў пры выкананні службовага абавязку.
Дэпутаты Магілёўскай вобласці ўнеслі ўдакладненні ў некаторыя раней прынятыя рашэнні
У аблвыканкаме ў рэжыме відэаканферэнцыі сёння адбылася пазачарговая трыццаць другая сесія Магілёўскага абласнога Савета дэпутатаў. Было разгледжана сем пытанняў, якія тычацца ўдакладнення некаторых рашэнняў аблсавета: у прыватнасці, бюджэту, інвестыцыйнай праграмы, рэгіянальных комплексаў некаторых дзяржаўных праграм.
Восень у Магілёве. Відэа
Залатой восенню Магілёў «гучыць» па-асабліваму камфортна. Гораду да твару жоўта-вохрыстае ўбранне алей і паркаў, якое падкрэслівае цеплыню раёнаў і цэнтральных вуліц.
Ці можна атрымаць толькі біяметрычны пашпарт, не атрымліваючы ID-карту?
Жыхар Горак Алег Нікалаеў цікавіцца, ці можна атрымаць толькі біяметрычны пашпарт, не атрымліваючы ID-карту
Першы этап рэпетыцыйнага тэсціравання стартуе ў кастрычніку
Першы этап рэпетыцыйнага тэсціравання 2021/2022 навучальнага года стартуе ў кастрычніку, паведаміў дырэктар РІКВ Юрый Міксюк. РТ можна прайсці непасрэдна ў пункце тэсціравання або анлайн. Каб прайсці тэсціраванне, трэба зарэгістравацца ў асабістым кабінеце на сайце РІКВ.
У Магілёўскай вобласці 24 верасня адбудзецца рэспубліканскі прэс-тур па аб’ектах настальгічнага турызму
У Магілёўскай вобласці 24 верасня адбудзецца рэспубліканскі прэс-тур па аб’ектах настальгічнага турызму. Арганізатарамі мерапрыемства выступаюць Міністэрства інфармацыі і Магілёўскі абласны выканаўчы камітэт. Прадстаўнікі рэспубліканскіх, рэгіянальных СМІ і журналісты са сталіцы наведаюць шэраг знакавых месцаў Прыдняпроўскага краю. У сядзібе «Глухарыны ток»(в. Осліўка Бялыніцкага раёна) пройдзе прэзентацыя турыстычных паслуг лясной гаспадаркі. Праграмай таксама запланавана азнаямленне з экспазіцыямі мастацкага музея імя В. К. Бялыніцкага-Бірулі ў Бялынічах.
Ацяпленне ў жылфондзе Магілёва пачнуць уключаць з 22 верасня
Ацяпленне ў жылфондзе Магілёва пачнуць уключаць з 22 верасня. Пра гэта паведаміў начальнік аддзела жыллёва-камунальнай гаспадаркі Магілёўскага гарвыканкама Ігар Данькоў. «Ацяпленне ў жылыя дамы Магілёва пачнуць падаваць з 22 верасня. Цяпер службы ЖКГ ужо праводзяць падрыхтоўчыя працы, падключэнне дамоў будзе паэтапным», – адзначыў ён.
Дзень адчыненых дзвярэй пройдзе ў Магілёўскім інстытуце МУС
У гэтую пятніцу ў Магілёўскім інстытуце МУС пройдзе Дзень адчыненых дзвярэй. Пра гэта паведамілі ва ўстанове адукацыі. Як расказалі суразмоўцы, супрацоўнікі і навучэнцы інстытута пазнаёмяць усіх жадаючых хлопцаў і дзяўчат з рэаліямі курсанцкага жыцця. Для гасцей у фае разгорнецца выстава спецыяльных сродкаў супрацоўнікаў міліцыі. А на кафедры крымінальнага працэсу і крыміналістыкі дзецям прадэманструюць розныя прылады і прыстасаванні тэхнікі ў гэтай галіне. Акрамя таго, курсанты факультэта міліцыі выступяць з канцэртнай праграмай на сцэне міліцэйскай ВНУ.
Ацяпленне пачалі падаваць у аб’екты сацсеткі Магілёва
З сённяшняга дня ацяпленне пачалі падаваць у аб’екты сацыяльнай сферы Магілёва. Такое распараджэнне падпісана ў гарвыканкаме і абапіраецца на ўмовы надвор’я і перспектыўны прагноз. «Уключыць сістэмы ацяплення ў будынках устаноў дашкольнай адукацыі, агульнай сярэдняй адукацыі, медыцынскіх, лячэбна-прафілактычных устаноў, музеяў, дзяржаўных архіваў, бібліятэк і арганізацый, якія аказваюць сацыяльныя паслугі на тэрыторыі горада Магілёва, з 20 верасня», – гаворыцца ў дакуменце.
«Толькі аб’яднаўшыся, мы зможам пераадолець цяжкасці, выстаяць і дамагчыся поспеху»: Аляксей Талай сустрэўся з моладдзю Магілёва
«Толькі аб’яднаўшыся, мы зможам пераадолець цяжкасці, выстаяць і дамагчыся поспеху» – гэта фраза, якая прагучала ў гутарцы з журналістамі, стала лейтматывам сустрэчы спартсмена, грамадскага дзеяча Аляксея Талая з моладдзю Магілёва. Дыялог прайшоў сёння на пляцоўцы Палаца культуры вобласці. У вялікай канцэртнай зале сабраліся маладыя людзі, якія прадстаўлялі розныя ўстановы адукацыі горада.
Пачаўся прыём заявак на XIX рэспубліканскі турыстычны конкурс«Пазнай Беларусь»
Мінспорту турызму і Нацыянальнае агенцтва па турызме абвясцілі аб старце Рэспубліканскага турыстычнага конкурсу «Пазнай Беларусь». Пройдзе ён 19-ым разам. Выберуць самага актыўнага вандроўцу па краіне ў намінацыі «Я пазнаю Беларусь»– старт у ёй, дарэчы, абвясцілі раней, каб у людзей было больш часу для паездак. Назвы іншых агучылі цяпер. Дарэчы, не абышлося без навінак і трансфармацый.
Рымска-каталіцкую царкву ў Беларусі ўзначаліў Іосіф Станеўскі
Рымска-каталіцкую царкву ў Беларусі ўзначаліў Іосіф Станеўскі. Такая інфармацыя размешчана на сайце Мінска-Магілёўскай архіепархіі Рымска-каталіцкага касцёла. «14 верасня, у свята Узвышэння Святога Крыжа, Папа Францыск прызначыў архіепіскапам мітрапалітам Мінска-Магілёўскім Іосіфа Станеўскага, тытулярнага епіскапа Табаікары – да гэтага часу – дапаможнага епіскапа Гродзенскай дыяцэзіі», – гаворыцца ў паведамленні.
У Бабруйску адкрылася экалагічная сцежка «Кісялевічы»
У Бабруйску з’явілася сцежка здароўя. Для горада гэта навінка. Знаходзіцца яна ў мікрараёне Кісялевічы. Сцежка падзелена на 2 паловы: кропка А–Свята-Іверскі храм, кропка Б–школа № 21. Яе працягласць–1 км, час у дарозе –1 гадзіна.
Рэгіянальны конкурс «Дажыначны сноп» абвешчаны ў Магілёўскай вобласці
Рэгіянальны конкурс «Дажыначны сноп» абвешчаны ў Магілёўскай вобласці. Пра гэта паведамілі ў абласным цэнтры народнай творчасці і культурна-асветнай працы.
Тры пажары адбылося за суткі ў Магілёўскай вобласці
Тры пажары адбылося за суткі ў Магілёўскай вобласці. Пра гэта паведаміла старшы інспектар абласнога ўпраўлення МНС Вольга Нехарошых. Так, 23 верасня каля 8 гадзін вечара па невыяўленай прычыне загарэўся дачны дом у вёсцы Данілаў Мост Бабруйскага раёна. Агонь не пашкадаваў жыллё: знішчаны дах дома на плошчы 24 м. кв, часткова пашкоджана перакрыцце і маёмасць унутры дома.
У Дзень народнага адзінства на плошчы Славы Магілёва ўрачыста адкрыецца Вахта Памяці
Урачысты мітынг, прысвечаны адкрыццю гарадской Вахты Памяці, адбудзецца 17 верасня а 12.00 на плошчы Славы Магілёва. Ужо 37 гадоў юныя магілёўцы змяняюць адзін аднаго ў ганаровай варце ля Вечнага агню, аддаючы даніну памяці загінулым воінам, партызанам і падпольшчыкам, якія абаранялі і вызвалялі горад на Дняпры.
Па новай праграме «Сямейны капітал» 4 тыс. шматдзетных сем’яў Магілёўскай вобласці адкрылі дэпазіты
Для шматдзетных сем’яў на 1 верасня 2021 года адкрыта 103 606 дэпазітных рахункаў «Сямейны капітал», з якіх па праграме 2020‑2024 гадоў – 21 166, паведамілі ў Міністэрстве працы і сацыяльнай абароны.
Удзельнік аўтапрабегу «Сімвал адзінства»: з радасцю падарожнічаю па роднай Беларусі з аднадумцамі
Рэспубліканскі патрыятычны аўтапрабег «Сімвал адзінства» стартаваў учора ў Магілёўскай вобласці. Сёння яго ўдзельнікі пабываюць на Кургане Славы ў Краснаполлі, у скверы абаронцаў Айчыны ў Чэрыкаве, на лыжаролернай трасе ў Чавусах, ускладуць кветкі да памятнага знака мірным жыхарам, якія загінулі ў гады Вялікай Айчыннай вайны на Слаўгарадчыне, да брацкай магілы герояў у Кіраўску, магілы савецкіх ваеннапалонных у Бабруйску, алеі Герояў у Асіповічах, да мемарыяла «Воінская слава» ў Глуску, а таксама наведаюць Быхаў і Клічаў.
На Бабруйшчыне да Дня народнага адзінства прымеркавана мноства мерапрыемстваў
Ужо зусім хутка, 17 верасня, наша краіна адзначыць новае дзяржаўнае свята – Дзень народнага адзінства, заснаваны Указам Прэзідэнта Рэспублікі Беларусь. На Бабруйшчыне да гэтай даты прымеркавана мноства мерапрыемстваў.
«Гарачая лінія» ў межах Тыдня нулявога траўматызму адбудзецца 13 верасня ў Магілёве
Камітэт па працы, занятасці і сацыяльнай абароне Магілёўскага аблвыканкама сумесна з Магілёўскім абласным упраўленнем Дэпартамента дзяржаўнай інспекцыі працы, а таксама Міністэрствам працы і сацыяльнай абароны Рэспублікі Беларусь у межах Тыдня нулявога траўматызму правядзе 13 верасня «гарачую лінію». Пытанні аховы працы, атэстацыі працоўных месцаў па ўмовах працы і расследавання няшчасных выпадкаў на вытворчасці можна будзе задаць:
Рэспубліканская канферэнцыя па ахове працы пройдзе 16-17 верасня ў Магілёве
Штогадовая Рэспубліканская навукова-практычная канферэнцыя «Ахова працы – клопат агульны» пройдзе 16–17 верасня ў Магілёве, паведамілі ў Міністэрстве працы і сацыяльнай абароны. Пытанні стварэння здаровых і бяспечных умоў працы, прафілактыкі вытворчага траўматызму на адной пляцоўцы абмяркуюць прадстаўнікі Мінпрацы і сацабароны, органаў дзяржаўнага нагляду, кіраўнікі і спецыялісты па ахове працы арганізацый рэспублікі.
Прафарыентацыйнае мерапрыемства для моладзі пройдзе ў Магілёве 9 верасня
Прафарыентацыйнае мерапрыемства «Арыенцір у свеце прафесій» адбудзецца 9 верасня ў Магілёве. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама. У ходзе мерапрыемства спецыяліст аддзела прафесійнай арыентацыі і прафесійнага навучання правядзе арыентаванне моладзі на правільны выбар, атрыманне рабочай прафесіі, запатрабаванай на рынку працы, а таксама моладзь будзе азнаёмлена з наяўнымі вакансіямі на рынку працы, з прававой граматнасцю па пытаннях працаўладкавання.
У Магілёве завяршаюцца будаўнічыя работы па рэканструкцыі плошчы Касманаўтаў: з 13 верасня змяняецца тралейбусная маршрутная сетка
У Магілёве завяршаюцца будаўнічыя работы па рэканструкцыі плошчы Касманаўтаў. У сувязі з гэтым з 13 верасня змяняецца тралейбусная маршрутная сетка, паведамілі ў Магілёўскім філіяле тралейбуснага парку № 1 ААТ «Магілёўаблаўтатранс». Маршрут №3 праляжа з канчатковага пункта «ЦЭЦ-2» не да пл. Арджанікідзе, а да пл. Касманаўтаў (па вул. Першамайскай, пр-це Міру, вул. Касманаўтаў) і назад. На прыпыначным пункце «Кадэцкае вучылішча» прыпынак тралейбусаў маршруту №3 ажыццяўляцца не будзе (спыняцца на гэтым прыпынку будзе маршрут № 5).
Прамую тэлефонную лінію 11 верасня правядзе старшыня Магілёўскага абласнога Савета дэпутатаў Ірына Раінчык
«Прамую лінію» 11 верасня правядзе старшыня Магілёўскага абласнога Савета дэпутатаў Ірына Анатольеўна Раінчык. З 9.00 да 12.00 па нумарах тэлефонаў (8 0222) 31-00-97, 32-23-34 яна адкажа на пытанні жыхароў рэгіёна. Рэд.
Дзень народнага адзінства ў Магілёве: Што? Дзе? Калі?
Заснаванае Указам Прэзідэнта Рэспублікі Беларусь № 206 ад 7 чэрвеня 2021 года новае дзяржаўнае свята –Дзень народнага адзінства – мы адзначым ужо зусім хутка –17 верасня. Асаблівасцямі святкавання падзяліліся ў Магілёўскім гарвыканкаме. Старт святочным мерапрыемствам будзе дадзены 7 верасня: у БРУ пройдзе рэгіянальны форум «Беларусь адзіная». 9 верасня запланавана сустрэча ўдзельнікаў рэспубліканскага аўтапрабегу «Сімвал адзінства».
У Магілёве з 1 верасня ўводзіцца дадатковы аўтобус
У Магілёве з 1 верасня (да ўвядзення ў эксплуатацыю дублёра Мінскай шашы) уводзіцца аўтобусны маршрут № 46к. Пра гэта паведамілі ў гарвыканкаме. Аўтобус будзе ажыццяўляць перавозку пасажыраў па наступнай схеме руху: Абласная бальніца – вул. Бялыніцкага-Бірулі – вул. А. Куляшова – вул. А. Пысіна – вул. Якубоўскага – вул. Касманаўтаў – дублёр Мінскай шашы – вул. Заслонава – вул. Будаўнікоў – вул. Лазарэнка – вул. Касманаўтаў – вул. Якубоўскага – вул. А. Пысіна – вул. А. Куляшова – вул. Бялыніцкага-Бірулі – Абласная бальніца.