У Магілёўскім раёне ўдзельнікі дзіцячага эканамічнага форуму прапанавалі больш за 30 бізнес-праектаў. Мерапрыемства прайшло трэці раз і стала часткай праграмы V Інвестыцыйнага форуму «Магілёўскі раён - тэрыторыя магчымасцей».
Удзел у дзіцячым эканамічным форуме прынялі каля 140 навучэнцаў і выхаванцаў устаноў адукацыі раёна. Мерапрыемства прайшло ў Буйніцкай сярэдняй школе. Тут размясціліся прэзентацыйныя пляцоўкі, на якіх дзеці і падлеткі расказвалі аб сваіх ініцыятывах, над якімі разам з педагогамі працавалі на працягу некалькіх месяцаў. Да рэалізацыі былі прадстаўлены зусім розныя праекты - ад вырабаў ручной работы з другаснай сыравіны і вырабу фітачая да вытворчасці біягумусу і добраўпарадкавання кветкавай фермы.
«Падчас правядзення эканамічнага форума дзеці навучаюцца фінансавай граматнасці і ў абавязковым парадку прэзентуюць працы з эканамічнай выгадай, – адзначыла начальнік аддзела па адукацыі Магілёўскага райвыканкама Наталля Колас. - Хлопцы таксама вучацца пралічваць, ці будзе рэнтабельным продаж той ці іншай прадукцыі. Сярод самых незвычайных работ, якія сапраўды здзівілі, - вырошчванне каліфарнійскіх чарвякоў і вытворчасць біягумуса. Аказалася, гэта вельмі выгадна і не патрабуе вялікіх затрат».
Пры выкарыстанні матэрыялаў актыўная гіперспасылка на mogilev-region.gov.by абавязковая
08.10.2025 - 16:58
У Магілёўскай вобласці выраслі аб'ёмы агародніны, што закладваюцца на захоўванне ў міжсезонны перыяд
08.10.2025 - 16:03
У Прымор'і адкрыўся Адзіны цэнтр дэманстрацыі, продажу і абслугоўвання беларускай тэхнікі
06.10.2025 - 09:30
Фінансаванне дзейнасці тэатраў і бібліятэк будзе павялічана ў Беларусі
