Прамую тэлефонную лінію правядзе 27 красавіка намеснік старшыні Магілёўскага аблвыканкама Андрэй Кунцэвіч
Прамую тэлефонную лінію правядзе 27 красавіка намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У наступным турыстычным сезоне Магілёўскі аэрапорт чакае пашырэнне зоны прылёту-вылету пасажыраў
У наступным турыстычным сезоне Магілёўскі аэрапорт чакае пашырэнне зоны прылёту-вылету пасажыраў. Гэта неабходна ў сувязі з павелічэннем пасажыраплыні, паведаміў начальнік Магілёўскага філіяла дзяржаўнага прадпрыемства «Белаэранавігацыя» Уладзімір Нікіцін. Па словах суразмоўцы, ужо зацверджаны папярэдні план на праект пашырэння будынка аэрапорта. Гаворка ідзе аб будаўніцтве другой залы вылету на 200 чалавек, у якой прадугледжана таксама зона Duty Free. У секцыі прылёту пасажыраў дадасца прыбудова са стужкай выдачы багажу.
Магілёўская мытня перадала камп’ютары Клічаўскай ДЮСШ
Магілёўская мытня перадала камп’ютары Клічаўскай ДЮСШ. Пра гэта паведамілі ў ведамстве. Тры адзінкі тэхнікі ва ўрачыстай абстаноўцы ўручылі аддзелу адукацыі, спорту і турызму мясцовага райвыканкама начальнік аддзела мытных аперацый і кантролю №2 Магілёўскай мытні – сакратар абласнога аддзялення ГА «Беларускі цяжкаатлетычны саюз» Дзмітрый Ерамейчык і старшыня ГА «Беларускі цяжкаатлетычны саюз» Міхаіл Рабікоўскі.
Прэзідэнцкія выбары ў Беларусі могуць быць назначаны на вясенняй сесіі парламента ў 2020 годзе - Лідзія Ярмошына
Прэзідэнцкія выбары ў Беларусі могуць быць назначаны на вясенняй сесіі парламента ў 2020 годзе, расказала ў эфіры тэлеканала СТБ старшыня Цэнтрвыбаркама Лідзія Ярмошына.
Пенсіі па ўзросце павысяцца з 1 мая прыкладна на 6 працэнтаў - Мінпрацы
Прапанова аб павышэнні пенсій па ўзросце з 1 мая бягучага года прадугледжвае рост прыкладна на 6 працэнтаў. Аб гэтым заявіла ў эфіры тэлеканала АНТ міністр працы і сацыяльнай абароны Ірына Касцевіч, каменціруючы Пасланне Прэзідэнта беларускаму народу і Нацыянальнаму сходу. «Як у міністэрства, у нас шматвектарны напрамак работы. Перш за ўсё гэта ўзровень заработнай платы, дастойныя рабочыя месцы. Другі напрамак - людзі пажылога ўзросту: узровень іх жыцця і інш.», - сказала Ірына Касцевіч.
Беларусь самастойна вызначае свой унутраны і знешнепалітычны парадак дня - Марзалюк
Беларусь самастойна вызначае свой унутраны і знешнепалітычны парадак дня, заявіў журналістам старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк. «Беларусь свой знешнепалітычны і ўнутраны парадак дня вызначае сама. Усе рашэнні ў нашай краіне вызначаюцца ў Мінску, а не ў Бруселі і Маскве, - падкрэсліў Ігар Марзалюк. - Пры гэтым Беларусь - краіна ў цэнтры Еўропы, якая хоча мець нармальныя саюзніцкія адносіны з Расіяй, Кітаем і са ўсім светам».
Больш за 300 тыс. жыхароў Магілёўскай вобласці прынялі ўдзел у рэспубліканскім суботніку
У дзень рэспубліканскага суботніка – 20 красавіка – больш за 300 тыс. жыхароў Прыдняпроўскага краю прынялі ўдзел у работах па навядзенні парадку на зямлі, добраўпарадкаванні тэрыторый населеных пунктаў і на працоўных месцах. Пра гэта паведамілі ў Магілёўскім аблвыканкаме.
Сярэдняя школа ў мікрараёне «Казіміраўка» Магілёва адкрые дзверы для хлопчыкаў і дзяўчынак у новым навучальным годзе
Сярэдняя школа ў мікрараёне «Казіміраўка» Магілёва адкрые дзверы для хлопчыкаў і дзяўчынак у новым навучальным годзе. Пра гэта паведаміў сёння ў час працы на суботніку старшыня Магілёўскага аблвыканкама Леанід Заяц. Будаўнічая пляцоўка новай СШ стала адным з асноўных аб’ектаў рэспубліканскага суботніка ў горадзе на Дняпры.
Намеснік міністра культуры Сяргей Шарамецьеў перадаў Шклоўскай дзіцячай школе мастацтваў новыя музычныя інструменты
У Беларусі вялікая ўвага надаецца эстэтычнаму развіццю і выхаванню падрастаючага пакалення. Па выніках сустрэчы Кіраўніка дзяржавы з таленавітай моладдзю 20 сакавіка 2018 года забеспячэнне музычнымі інструментамі ўстаноў адукацыі ў сферы культуры было ўзята на асаблівы кантроль. У межах Дзяржаўнай праграмы «Культура Беларусі» за кошт рэспубліканскага бюджэту ў Шклоўскі раён пад поўную патрэбу было выдзелена 7 інструментаў піяніна.
Пасланне Прэзідэнта беларускаму народу і Нацыянальнаму сходу
Прэзідэнт Беларусі Аляксандр Лукашэнка звярнуўся сёння са штогадовым Пасланнем да беларускага народа і Нацыянальнага сходу.
Праграма святочных мерапрыемстваў да Дня Перамогі ў Магілёве
3 мая 2019 года (пятніца) 10.00 Святочнае мерапрыемства «Помнит мир спасённый…» Моладзевы велапрабег па месцах баявой славы «Сонца Перамогі!»(г. Магілёў – в. Сухары) адкрытая пляцоўка каля корпуса №1 УА «Магілёўскі дзяржаўны ўніверсітэт харчавання» 4 мая 2019 года (субота) 13.00 Спартыўнае свята «Спорт. Маладосць. Здароўе» стадыён ДУА «Сярэдняя школа №39 г. Магілёва»
Праграма святочных мерапрыемстваў да свята працы ў Магілёве
28 красавіка 2019 г. (нядзеля) 14.00 Спартыўнае свята «Вясёлы Першамай» адкрытая пляцоўка ДУДА «Цэнтр творчасці «Эверэст» г. Магілёва» 1 мая 2019 г. (серада) 10.00 Мітынг, прысвечаны 115-годдзю прафсаюзнага руху Беларусі і святу Працы – 1 Мая. Святочнае шэсце «Парад прафесій» пл. Леніна
Паліклінікі і бальніцы зменяць графік работы ў выхадныя і святы ў маі
Міністэрства аховы здароўя змяніла графік работы ўстаноў аховы здароўя ў выхадныя і святочныя дні ў маі, паведамілі ў прэс-службе міністэрства. Бальнічныя арганізацыі 1, 7, 9 мая будуць працаваць па графіку святочнага дня, 4, 11 мая - суботнім графіку, 5 мая - выхаднога дня, 6, 8, 10 мая - рабочага дня. Работа амбулаторна-паліклінічных, санітарна-эпідэміялагічных арганізацый, арганізацый пералівання крыві, медтэхнікі, аптэк 1, 7, 9 мая будзе арганізавана па графіку святочнага дня, 4, 10, 11 мая - рабочага дня, 5 мая - выхаднога дня, 6, 8 мая - суботнім графіку.
Аляксандр Лукашэнка сёння звернецца са штогадовым Пасланнем да народа і парламента
Прэзідэнт Беларусі Аляксандр Лукашэнка сёння звернецца са штогадовым Пасланнем да беларускага народа і Нацыянальнага сходу. Аб гэтым паведамілі ў прэс-службе беларускага лідара. На мерапрыемства, якое традыцыйна пройдзе ў Авальнай зале Дома ўрада, запрошаны вышэйшыя службовыя асобы краіны, члены ўрада, кіраўнікі органаў дзяржкіравання, буйнейшых прадпрыемстваў, ВНУ і банкаў, прадстаўнікі дыпламатычнага корпуса, сродкаў масавай інфармацыі.
Спецыяліст па ЗЭД з Германіі будзе аказваць дапамогу ў развіцці IT-бізнесу і прыцягненні інвестыцый магілёўцам
У ААТ «Магілёўскае Агенцтва рэгіянальнага развіцця» (МАРР) пачаў сваю дзейнасць інтэграваны спецыяліст па знешнеэканамічнай дзейнасці з Германіі Віктар Гусеў. Ён прыехаў у абласны цэнтр на два гады ў межах двухбаковага супрацоўніцтва гарадоў-пабрацімаў Магілёва і Айзенаха.
Магілёўскі школьнік Уладзімір Грабараў стаў пераможцам беларускага моладзевага конкурсу сачыненняў эпісталярнага жанру
Магілёўскі школьнік Уладзімір Грабараў стаў пераможцам XXIII беларускага моладзевага конкурсу твораў эпісталярнага жанру, паведамілі ў РУП «Белпошта». У гэтым годзе вучні пісалі сачыненне пра свайго героя. Праца вучня сярэдняй школы №18 Магілёва Уладзіміра Грабарава прызнана найлепшай і прадставіць Беларусь на 48-м Міжнародным моладзевым конкурсе твораў эпісталярнага жанру 2019 года ў горадзе Бёрн (Швейцарыя).
Александрыя: ад вёскі да аграгарадка
«А гады ляцяць, нашы гады як птушкі…» – спяваецца ў вядомай песні. З часам мяняюцца і населеныя пункты. Але ў кожным ёсць нешта непаўторнае і асаблівае: самабытнасць, традыцыі і звычаі. У нашым сённяшнім аглядзе – аграгарадок Александрыя.
Жыхары Магілёўскай вобласці 20 красавіка выйдуць на рэспубліканскі суботнік
Рэспубліканскі суботнік пройдзе 20 красавіка. Ён прымеркаваны да святкавання 75-й гадавіны вызвалення Беларусі ад нямецка-фашысцкіх захопнікаў і абвяшчэння 2019 года Годам малой радзімы.
У Магілёве ў дзень правядзення рэспубліканскага суботніка зменяць графік работы грамадскага транспарту
У Магілёве ў сувязі з правядзеннем 20 красавіка рэспубліканскага суботніка ўнесены змяненні ў графік працы грамадскага транспарту. Пра гэта карэспандэнту сайта паведамілі ва ўпраўленні эканомікі Магілёўскага гарвыканкама. Аўтобусы № № 38, 39, 40 будуць курсіраваць па графіку будняга дня. Астатнія аўтобусы выйдуць на маршруты па графіку выхаднога дня. Дадатковыя адзінкі транспарту выдзеляць на аўтобусныя маршруты № 4, 24 – па тры машыны, № № 9, 10 – па дзве, № № 11, 20, 30 – па адной. Акрамя таго, на рэйсы ў ранішнія гадзіны «пік» выйдуць аўтобусы № № 15, 17, 43.
У Магілёўскай вобласці падвялі вынікі спаборніцтва сярод органаў мясцовага самакіравання за 2018 год
У Магілёўскай вобласці падвялі вынікі спаборніцтва сярод органаў мясцовага самакіравання за 2018 год. Пераможцаў спаборніцтва ўзнагародзяць падчас чарговай адзінаццатай сесіі абласнога Савета дэпутатаў, якая адбудзецца 24 красавіка.
Спецыяльныя туры на спаборніцтвы II Еўрапейскіх гульняў арганізуюць для дзяцей з рэгіёнаў
Экскурсійныя туры ў Мінск з наведваннем спаборніцтваў II Еўрапейскіх гульняў па пэўных відах спорту прапануюць дзецям і заўзятарам з рэгіёнаў, паведаміў дырэктар Рэспубліканскага ўнітарнага прадпрыемства «Цэнтркурорт» Алег Міхайлаў падчас выязнога пасяджэння Міжведамаснага экспертна-каардынацыйнага савета па турызме пры Савеце Міністраў.
КДК Магілёўскай вобласці праверыў Горацкую цэнтральную раённую бальніцу
Камітэт дзяржкантролю Магілёўскай вобласці падчас праверкі Горацкай цэнтральнай раённай бальніцы выявіў шэраг парушэнняў і недахопаў пры ажыццяўленні фінансава-гаспадарчай дзейнасці. Пра гэта паведаміў першы намеснік старшыні кантралюючага ведамства Юрый Фралоў.
У Магілёве стартавалі сустрэчы тэматычных груп па дэталёвым аналізе напрамкаў устойлівага развіцця вобласці
У Магілёве сёння стартавалі сустрэчы тэматычных груп па дэталёвым аналізе напрамкаў, якія маюць высокую значнасць для ўстойлівага развіцця вобласці. Першым блокам, над якім працавалі эксперты, сталі эканоміка, малы і сярэдні бізнес.
Міхаіл Русы правёў асабісты прыём у Шклоўскім раёне
Асабісты прыём грамадзян і прадстаўнікоў юрыдычных асоб у аграгарадку Гарадзішча Шклоўскага раёна правёў памочнік Прэзідэнта – інспектар па Магілёўскай вобласці Міхаіл Русы. Ён выслухаў амаль 20 пытанняў не толькі ад жыхароў Шклоўскай зямлі – прыехалі людзі з Магілёва і Дрыбінскага раёна.
Магілёў з візітам наведвае Надзвычайны і Паўнамоцны Пасол Украіны ў Беларусі Ігар Кізім
Магілёў з аднадзённым візітам наведвае Надзвычайны і Паўнамоцны Пасол Украіны ў Беларусі Ігар Кізім. Сёння ў аблвыканкаме адбылася сустрэча дыпламата з кіраўніком нашага рэгіёна Леанідам Зайцам.
Аграрыі Магілёўскай вобласці завяршылі сяўбу ранніх яравых збожжавых і зернебабовых культур
Аграрыі Магілёўскай вобласці завяршылі сяўбу ранніх яравых збожжавых і зернебабовых культур. Пра гэта паведаміла начальнік аддзела інтэнсіфікацыі раслінаводства камітэта па сельскай гаспадарцы і харчаванні Магілёўскага аблвыканкама Лілія Гулінская.
«Кірмаш вакансій» адбудзецца ў Магілёве 25 красавіка
«Кірмаш вакансій» адбудзецца ў Магілёве 25 красавіка. Мерапрыемства пройдзе з 10.00 да 12.00 у Лядовым палацы (вул. Гагарына,1), паведамілі ва ўпраўленні па працы, занятасці і сацыяльнай абароне гарвыканкама.
Найлепшую артылерыйскую батарэю вызначаюць на палігоне пад Асіповічамі
Спаборніцтва на званне найлепшай артылерыйскай батарэі ракетных войскаў і артылерыі Узброеных Сіл праходзіць 15-19 красавіка на палігоне 51-й гвардзейскай артылерыйскай брыгады Асіповіцкі, паведамілі ў Мінабароны.
Эфектыўнае выкарыстанне дзяржсродкаў пры ўзвядзенні сацыяльна значных аб’ектаў – на пастаянным кантролі КДК Магілёўскай вобласці
У Камітэце дзяржаўнага кантролю Магілёўскай вобласці на пастаянным кантролі знаходзіцца пытанне эфектыўнага выкарыстання дзяржаўных сродкаў пры ўзвядзенні сацыяльна значных аб’ектаў. Пра гэта паведаміў старшыня ведамства Алег Садоўскі. Як паказалі праведзеныя ў 2018-м і студзені-сакавіку 2019 года кантрольныя мерапрыемствы, завышэнні кошту будаўніцтва аб’ектаў рознага прызначэння ў вобласці пакуль не выкараненыя. Кантралюючыя органы па-ранейшаму працягваюць выяўляць неадзінкавыя парушэнні ў гэтай сферы.
Персанальная выстава Уладзіміра Напрэенкі адкрыецца ў Магілёўскім абласным мастацкім музеі імя П. В. Масленікава
Персанальная выстава Уладзіміра Напрэенкі, прысвечаная 75-годдзю мастака, адкрыецца 19 красавіка ў 15.00 у Магілёўскім абласным мастацкім музеі імя П. В. Масленікава. Пра гэта карэспандэнту сайта паведамілі ва ўстанове культуры.