Тэлерадыёкампанія «Магілёў» вярнулася з Масквы з узнагародай (відэа)

Тэлерадыёкампанія «Магілёў» вярнулася з Масквы з узнагародай. Наша каманда стала лаўрэатам Х конкурсу «Горад у люстэрку СМІ», які праводзіцца міжнароднай асамблеяй сталіц і буйных гарадоў СНД.

Адразу тры сюжэты самай папулярнай праграмы аб Магілёве «Сустрэнемся каля Астролага» атрымалі высокую ацэнку журы конкурсу, у складзе якога, дарэчы, не толькі прадстаўнікі міжнароднай асамблеі сталіц і буйных гарадоў СНД, а таксама члены Саюза журналістаў Расіі і Падмаскоўя. Падчас урачыстай цырымоніі ўзнагароджання шэф-рэдактару праграмы ўручылі дыплом першай ступені ў намінацыі «Разумны горад – бяспечны горад». І гэта высокая прафесійная ацэнка якасці інфармацыйнага прадукту аб Магілёве, што стварае наша каманда.

Сярод лаўрэатаў конкурсу – газеты, тэлеканалы, інфармацыйныя парталы з Масквы, Санкт-Пецярбурга, Казані, Дагестана, Башкартастана, Малдовы, Сімферопаля, Казані.

ТРК «Магілёў»